IRINJALAKUDA TIMES
ഇരിങ്ങാലക്കുട : കെ.എസ്.ഇ. ലിമിറ്റഡിന്റെ വാർഷിക പൊതുയോഗം കമ്പനി ആസ്ഥാനമായ ഇരിങ്ങാലക്കുടയിൽ സംഘടിപ്പിച്ചു.
ചെയർമാൻ ടോം ജോസ് അധ്യക്ഷത വഹിച്ചു.
ഓഹരി ഉടമകളുടെ ചോദ്യങ്ങൾക്ക് മാനേജിംഗ് ഡയറക്ടറായ എം.പി. ജാക്സണും എക്സിക്യൂട്ടീവ് ഡയറക്ടർ പോൾ ഫ്രാൻസിസും മറുപടി നൽകി.
കമ്പനിയുടെ ഭരണപരമായ സുപ്രധാന പ്രമേയങ്ങൾ ഓഹരി ഉടമകൾ അംഗീകരിച്ചു.
ഡോണി അക്കരക്കാരൻ കമ്പനിയുടെ മുഴുവൻ സമയ ഡയറക്ടറായി നിയമിതനായി.
കമ്പനിയുടെ പ്രവർത്തനങ്ങൾ കൂടുതൽ ശക്തിപ്പെടുത്താൻ അദ്ദേഹത്തിന്റെ സംഭാവനകൾ കൂടുതൽ സഹായകരമാകും എന്ന് ബോർഡ് അറിയിച്ചു.
സന്തോഷ്
ഇരിങ്ങാലക്കുട : എടക്കുളം കാരയിൽ വീട്ടിൽ പരേതനായ കുട്ടൻ മകൻ സന്തോഷ് (49) നിര്യാതനായി.
സംസ്കാരം നാളെ (ഒക്ടോബർ 4) ശനിയാഴ്ച രാവിലെ 11 മണിക്ക് പൂമംഗലം ഗ്രാമപഞ്ചായത്ത് ശാന്തിതീരം വാതക ശ്മശാനത്തിൽ.
അമ്മ : രമണി
ഭാര്യ : സരിത
മക്കൾ : മാധവ് കൃഷ്ണ, രോഹിത് കൃഷ്ണ
ഇരിങ്ങാലക്കുട : “കാൻസർ മുക്ത ഇരിങ്ങാലക്കുട നഗരസഭ” എന്ന മഹത്തായ ലക്ഷ്യവുമായി സേവാഭാരതി രംഗത്തിറങ്ങുകയാണെന്ന് പ്രസിഡൻ്റ് നളിൻ ബാബു എസ് മേനോനും, സെക്രട്ടറി സായിറാമും പത്രസമ്മേളനത്തിൽ അറിയിച്ചു.
ഇതിനായി നഗരസഭയിലെ 41 വാർഡുകളിലും തിരുവനന്തപുരം റീജണൽ കാൻസർ സെൻ്ററിൻ്റെ സഹായത്തോടെ കാൻസർ നിർണ്ണയ ക്യാമ്പുകൾ നടത്തും. ഇതിൻ്റെ ഉൽഘാടനവും, സൗത്ത്
ഇന്ത്യൻ ബാങ്ക് സേവാഭാരതിക്ക് അനുവദിച്ച ആംബുലൻസിൻ്റെ ഫ്ലാഗ് ഓഫും ഒക്ടോബർ 5ന് (ഞായറാഴ്ച്ച) വൈകീട്ട് 4 മണിക്ക് നഗരസഭാ ടൗൺ ഹാളിൽ ചേരുന്ന ചടങ്ങിൽ വെച്ച് ഗവർണർ രാജേന്ദ്ര വിശ്വനാഥ ആർലേക്കർ നിർവ്വഹിക്കും.
ആർ സി സിയിലെ ഇരിങ്ങാലക്കുട സ്വദേശിയായ ഡോ കെ ആർ രാജീവ്, ആറായിരത്തിൽ പരം മെഡിക്കൽ ക്യാമ്പുകൾ സംഘടിപ്പിച്ച് ആതുര സേവന രംഗത്ത് തനതായ വ്യക്തിമുദ്ര പതിപ്പിച്ച ജോൺസൻ കോലങ്കണ്ണി, കഴിഞ്ഞ 18 വർഷമായി സേവാഭാരതിയുടെ അന്നദാനത്തിന് നേതൃത്വം നൽകുന്ന രാമേട്ടൻ എന്നിവരെ ചടങ്ങിൽ ആദരിക്കും.
സേവാഭാരതി ട്രഷറർ ഐ രവീന്ദ്രൻ, മെഡിക്കൽ ക്യാമ്പ് കോർഡിനേറ്റർ ജോൺസൻ കോലങ്കണ്ണി എന്നിവരും പത്രസമ്മേളനത്തിൽ പങ്കെടുത്തു.
കുമാരി
ഇരിങ്ങാലക്കുട : കോണത്തുകുന്ന് ചെന്തുരുത്തി പരേതനായ ദാമോദരൻ്റെ ഭാര്യ കുമാരി (87) നിര്യാതയായി.
സംസ്കാരം നടത്തി.
മക്കള്: ഗിരിജന്, ഗിരിജ
മരുമകൻ : സോമശേഖരൻ
ശാരദ
ഇരിങ്ങാലക്കുട : കോണത്തുകുന്ന് പുഞ്ചപ്പറമ്പ് കൂവക്കാട്ടില് പരേതനായ വാസുവിൻ്റെ ഭാര്യ
ശാരദ (78) നിര്യാതയായി.
സംസ്കാരം നടത്തി.
മക്കള് : സന്തോഷ്, സുജാത, സുപ്രഭ, സുനിത
ഇരിങ്ങാലക്കുട ‘: നീഡ്സിന്റെ ആഭിമുഖ്യത്തിൽ ഗാന്ധിജയന്തി ദിനാഘോഷം നടത്തി.
ഗാന്ധിജിയുടെ ഇരിങ്ങാലക്കുട സന്ദർശനത്തിന്റെ ഓർമ്മയ്ക്കായി റസ്റ്റ് ഹൗസ് അങ്കണത്തിൽ സ്ഥാപിച്ചിട്ടുള്ള ഗാന്ധി പ്രതിമയോട് ചേർന്നുള്ള ഗാന്ധി സ്ക്വയറിൽ സംഘടിപ്പിച്ച മുൻ സർക്കാർ ചീഫ് വിപ്പ് അഡ്വ തോമസ് ഉണ്ണിയാടൻ ഉദ്ഘാടനം ചെയ്തു.
ഗാന്ധിപ്രതിമയ്ക്ക് മുന്നിൽ പുഷ്പാർച്ചനയും ഗാന്ധിസ്മൃതി പ്രഭാഷണവും വിവിധ സാംസ്കാരിക ചടങ്ങുകളും നടന്നു.
നീഡ്സ് വൈസ് പ്രസിഡന്റ് പ്രൊഫ ആർ ജയറാം അധ്യക്ഷത വഹിച്ചു.
ഭാരവാഹികളായ ഗുലാം മുഹമ്മദ്, എം. എൻ. തമ്പാൻ, ഉണ്ണികൃഷ്ണൻ മാസ്റ്റർ, ജോൺ ഗ്രേഷ്യസ്, ഇ.പി.സഹദേവൻ, പി.ആർ.സ്റ്റാൻലി, റിനാസ് താണിക്കപ്പറമ്പൻ, ഷൗക്കത്ത്, ഷെയ്ഖ് ദാവൂദ്, പി.കെ.ജോൺസൺ, റോക്കി ആളൂക്കാരൻ, ഡോ എ എൻ ഹരീന്ദ്രനാഥ് എന്നിവർ പ്രസംഗിച്ചു.
ഇരിങ്ങാലക്കുട : ആർഎസ്എസിൻ്റെ 100-ാം വാർഷികത്തോടനുബന്ധിച്ച് ഇരിങ്ങാലക്കുട മണ്ഡലത്തിൻ്റെ ആഭിമുഖ്യത്തിൽ വിജയദശമി മഹോത്സവം സംഘടിപ്പിച്ചു.
ആർ എസ് എസ് തൃശൂർ വിഭാഗ് വ്യവസ്ഥാ പ്രമുഖ് കെ ആർ ദേവദാസൻ ഉൽഘാടനം ചെയ്തു.
പ്രശസ്ത കാർട്ടൂണിസ്റ്റ് എം മോഹൻദാസ് മുഖ്യാതിഥിയായിരുന്നു.
വിജയൻ പാറേക്കാട്ട്, ജി സതീഷ് മാസ്റ്റർ എന്നിവർ പ്രസംഗിച്ചു.
ഇരിങ്ങാലക്കുട : സാമൂഹ്യവിരുദ്ധരുടെ ശല്യം രൂക്ഷമായതിനെ തുടർന്ന് ഇരിങ്ങാലക്കുട റെയിൽവേ സ്റ്റേഷൻ പ്ലാറ്റ്ഫോമിലേക്കുള്ള വഴിയിൽ ഗേറ്റ് വയ്ക്കാൻ തീരുമാനിച്ച അധികൃതരുടെ നടപടി തടഞ്ഞ് നാട്ടുകാരും വിവിധ സംഘടനകളും.
റെയിൽവേ ട്രാക്കിന് പടിഞ്ഞാറ് ഭാഗത്തുള്ള വ്യാപാര സ്ഥാപനങ്ങളിലേക്കും കിഴക്കുഭാഗത്തുള്ള പഞ്ചായത്ത് ഓഫീസ്, വിദ്യാഭ്യാസ സ്ഥാപനങ്ങൾ, ആശുപത്രികൾ, പൊലീസ് സ്റ്റേഷൻ എന്നിവിടങ്ങളിലേക്കും എളുപ്പത്തിൽ എത്താൻ നാട്ടുകാർ ഉപയോഗിക്കുന്നത് ഈ വഴിയെയാണ്. മേൽപ്പാലത്തിലൂടെ ഏറെ ചുറ്റി വളഞ്ഞ് സഞ്ചരിക്കേണ്ടതിനാണ് റെയിൽവേ ട്രാക്ക് മുറിച്ചുകടന്ന് എളുപ്പത്തിൽ ഇവിടങ്ങളിലേക്ക് എത്താൻ പ്ലാറ്റ് ഫോമിലേക്കുള്ള വഴി നാട്ടുകാർ ഉപയോഗിക്കുന്നത്.
എന്നാൽ കാൽനടയാത്രക്കാർക്ക് അനുവദിച്ച വഴിയുടെ സമീപത്ത് തമ്പടിക്കുന്ന ഭിക്ഷാടകർ പരിസരം വൃത്തിഹീനമാക്കുന്നത് വലിയ ബുദ്ധിമുട്ട് ഉണ്ടാക്കുന്നതായും ശുചീകരണ തൊഴിലാളികൾക്ക് പോലും സ്റ്റേഷന്റെ വടക്കുഭാഗത്തേക്ക് കടന്നു ചെല്ലാനാകാത്ത വിധം ദുർഗന്ധം ആണെന്നും റെയിൽവേ അധികൃതർ പറയുന്നു.
കൂടാതെ മദ്യപാനവും അനാശാസ്യ പ്രവർത്തനങ്ങളും കഞ്ചാവ് വില്പനയുമെല്ലാം ഇവിടെ നടക്കുന്നുണ്ടെന്നും പരാതികളുണ്ട്.
അതിനാൽ തന്നെ പ്രതിഷേധത്തെ തുടർന്ന് മാറ്റിവെച്ച പ്രവർത്തി അടുത്ത ദിവസങ്ങളിൽ തന്നെ നടപ്പിലാക്കുമെന്ന് റെയിൽവേ അധികൃതർ അറിയിച്ചു.
രണ്ടു നൂറ്റാണ്ടായി ജനങ്ങൾ ഉപയോഗിച്ചിരുന്ന വഴി അപകടസാധ്യതയില്ലാത്ത വിധം ഉപയോഗിക്കാൻ സൗകര്യമുണ്ടാക്കണമെന്ന് കലേറ്റുംകര വികസന സമിതി മുഖ്യസംഘാടകൻ വർഗ്ഗീസ് തൊടുപറമ്പിൽ ആവശ്യപ്പെട്ടു.
സുരക്ഷിതമായി റെയിൽവേ ട്രാക്ക് മറികടക്കാൻ ഇരുവശവും പഴയ റോഡിനെ ബന്ധിപ്പിച്ച് നടപ്പാലം നിർമ്മിക്കും മുമ്പ് ഇതുവഴിയുള്ള പ്രവേശനം തടസ്സപ്പെടുത്തുന്നതിനോട് യോജിക്കാൻ ആവില്ലെന്ന് പാസഞ്ചേഴ്സ് അസോസിയേഷൻ പ്രസിഡൻ്റ് ഷാജു ജോസഫ് പറഞ്ഞു.
ഗേറ്റ് സ്ഥാപിച്ചാലും രാവിലെ 8 മണി മുതൽ വൈകിട്ട് 5 മണി വരെ കാൽനടയാത്രക്കാർക്ക് ഇതുവഴി സഞ്ചരിക്കാൻ അനുവാദം നൽകുമെന്ന് റെയിൽവേ അധികൃതർ അറിയിച്ചു.
ഇരിങ്ങാലക്കുട : മുകുന്ദപുരം താലൂക്ക് മന്നം സോഷ്യൽ സർവ്വീസ് സൊസൈറ്റി വാർഷികം ആഘോഷിച്ചു.
പ്രസിഡൻ്റ് അഡ്വ. ഡി. ശങ്കരൻകുട്ടി അധ്യക്ഷത വഹിച്ചു.
സെക്രട്ടറി എസ്. കൃഷ്ണകുമാറും റിപ്പോർട്ടും കണക്കും ട്രഷറർ സി. വിജയനും അവതരിപ്പിച്ചു.
വൈസ് പ്രസിഡൻ്റ് പി.ആർ. അജിത്കുമാർ സ്വാഗതവും എം.എസ്.എസ്. കോർഡിനേറ്റർ സുനിൽ കെ. മേനോൻ നന്ദിയും പറഞ്ഞു.
കമ്മിറ്റി അംഗങ്ങളായ എൻ. ഗോവിന്ദൻകുട്ടി, നന്ദൻ പറമ്പത്ത്, സി. രവീന്ദ്രൻ, ആർ. ബാലകൃഷ്ണൻ,
അംബിക കൃഷ്ണൻകുട്ടി, വിജി അപ്പു, അമ്പിളി എന്നിവർ പ്രസംഗിച്ചു.
ഇരിങ്ങാലക്കുട : മുരിയാട്
മണ്ഡലം കോൺഗ്രസ് കമ്മിറ്റിയുടെ ആഭിമുഖ്യത്തിൽ മഹാത്മാഗാന്ധിയുടെ 156-ാം ജന്മദിനം വിവിധ പരിപാടികളോടെ ആചരിച്ചു.
രാവിലെ ആനന്ദപുരം ആശുപത്രി ജംഗ്ഷനിൽ മണ്ഡലം പ്രസിഡൻ്റ് സാജു പാറേക്കാടൻ്റെ നേതൃത്വത്തിൽ അനുസ്മരണവും പുഷ്പാർച്ചനയും നടന്നു.
തുടർന്ന് മണ്ഡലത്തിൻ്റെ കൈത്താങ്ങ് പദ്ധതിയുടെ ഭാഗമായി സേവനദിനമായി ആചരിച്ചു.
ആനന്ദപുരം പ്രാഥമികാരോഗ്യ കേന്ദ്രത്തിൽ ശുചീകരണ പ്രവർത്തനങ്ങൾ നടത്തി.
യൂത്ത് കോൺഗ്രസ് സംസ്ഥാന സെക്രട്ടറി അഡ്വ. സുഷീൽ ഗോപാൽ ഉദ്ഘാടനം ചെയ്തു.
മണ്ഡലം പ്രസിഡൻ്റ് സാജു പാറേക്കാടൻ അധ്യക്ഷത വഹിച്ചു.
ഡോ. ജോൺസ്, ബ്ലോക്ക് കോൺഗ്രസ് ഭാരവാഹികളായ എം.എൻ. രമേഷ്, തോമസ് തത്തംപിള്ളി, വിബിൻ വെള്ളയത്ത്, ജോമി ജോൺ, മഹിള കോൺഗസ് ബ്ലോക്ക് പ്രസിഡൻ്റ് മോളി ജേക്കബ്ബ്, യൂത്ത് കോൺഗ്രസ് മണ്ഡലം പ്രസിഡൻ്റ് ജസ്റ്റിൻ ജോർജ്ജ്, പഞ്ചായത്തംഗം നിത അർജ്ജുനൻ, മണ്ഡലം ഭാരവാഹികളായ വി.കെ. മണി, ഫിജിൽ ജോൺ, പി.സി.കെ. ആൻ്റണി, മുരളി തറയിൽ, രാധാകൃഷ്ണൻ ഞാറ്റുവെട്ടി, രാമകൃഷ്ണൻ പാലയ്ക്കാട്ട്, ടി.ആർ. ദിനേശ്, സി.എസ്. അജീഷ്, റോയ് മാത്യു, ഗോപിനാഥ് വാഴപ്പിള്ളി, ശാലിനി ഉണ്ണികൃഷ്ണൻ, യമുനാദേവി ഷിജു, വിലാസൻ തുമ്പരത്തി, എന്നിവർ നേതൃത്വം നൽകി.
