ഇരിങ്ങാലക്കുട : സി.ബി.എസ്.ഇ. പന്ത്രണ്ടാം ക്ലാസ് പരീക്ഷാഫലം പ്രസിദ്ധീകരിച്ചപ്പോൾ ഇരിങ്ങാലക്കുട ഭാരതീയ വിദ്യാഭവന് തിളക്കമാർന്ന 100% വിജയം.
ആകെ പരീക്ഷയെഴുതിയ 89 കുട്ടികളിൽ 74 പേർ ഡിസ്റ്റിങ്ഷൻ നേടി.
24 പേർ 90 ശതമാനത്തിന് മുകളിൽ മാർക്ക്‌ നേടി. 9 പേർ എല്ലാ വിഷയങ്ങളിലും A1 നേടി.
കമ്പ്യൂട്ടർ സയൻസ് വിഭാഗത്തിൽ 99.2% മാർക്കോടെ ഹരികിഷൻ ബൈജു, ബയോളജി വിഭാഗത്തിൽ 98.8% മാർക്കോടെ അക്ഷയ സജീവ്, കോമേഴ്സ് വിഭാഗത്തിൽ 97.6% മാർക്കോടെ നിരഞ്ജന രഞ്ജിത്ത്, ഹ്യൂമാനിറ്റീസ് വിഭാഗത്തിൽ 94% മാർക്കോടെ അഞ്ജലി രവീന്ദ്രൻ, എഫ്.എം.എം. വിഭാഗത്തിൽ 91.6% മാർക്കോടെ ആൽവിൻ പി. മെൽവിൻ എന്നിവർ ഒന്നാമതെത്തി.
