IRINJALAKUDA TIMES
ഇരിങ്ങാലക്കുട : ഗവ. മോഡൽ ബോയ്സ് ഹയർ സെക്കന്ററി സ്കൂളിൽ ഹൈസ്കൂൾ വിഭാഗത്തിൽ യു.പി.എസ്.ടി. തസ്തികയിൽ താൽക്കാലിക ഒഴിവുണ്ട്.
നിശ്ചിത യോഗ്യതയുള്ളവർ കൂടിക്കാഴ്ചയ്ക്കായി മെയ് 30 വെള്ളിയാഴ്ച രാവിലെ 10 മണിക്ക് അസ്സൽ സർട്ടിഫിക്കറ്റുകളുമായി സ്കൂളിൽ നേരിട്ട് ഹാജരാകണമെന്ന് ഹെഡ്മിസ്ട്രസ്സ് അറിയിച്ചു.
ഇരിങ്ങാലക്കുട : കഴിഞ്ഞ ദിവസങ്ങളിലുണ്ടായ ശക്തമായ കാറ്റിലും മഴയിലും വള്ളിവട്ടം കോഴിക്കാട് മേഖലയിൽ കനത്ത നാശനഷ്ടം.
കോഴിക്കാട് കൊല്ലംപറമ്പിൽ അശോകന്റെ വീട്ടുപറമ്പിലെ അടയ്ക്കാമരങ്ങൾ വീടിനു മുകളിലേക്ക് വീണ് വീടിന് കാര്യമായ കേടുപാടുകൾ സംഭവിച്ചു.
മേഖലയിൽ വ്യാപകമായ കൃഷിനാശവും സംഭവിച്ചിട്ടുണ്ട്.
ഇരിങ്ങാലക്കുട : മഴ കനക്കുന്ന സാഹചര്യത്തിൽ പലയിടത്തും വീടുകളിലും വെള്ളം കയറി തുടങ്ങിയതിനാൽ തന്നെ പാമ്പുകൾ നമ്മുടെ വീടിനുള്ളിലേക്കും കയറി വരുവാനുള്ള സാധ്യത കൂടുതലാണ്.
നിങ്ങളുടെ വീട്ടിലോ പരിസരത്തോ പാമ്പുകളെ കണ്ടാൽ ഉടൻ വനംവകുപ്പിന്റെ പരിശീലനം ലഭിച്ച തൃശ്ശൂർ ജില്ലയിലെ റെസ്ക്യൂവേഴ്‌സിന്റെ നമ്പറുകളിൽ ബന്ധപ്പെടാവുന്നതാണ്.
9745547906 – ജോജു
9745484856 – മിഥുൻ
9961359762 – ശ്രീക്കുട്ടൻ
7012225764 – അജീഷ്
8301064383 – ശരത്ത്
9446230860 – നവാസ്
8921554583 – ലിജോ
ഇരിങ്ങാലക്കുട : പുല്ലൂറ്റ് ഗവ. കെ.കെ.ടി.എം. കോളെജിൽ 2025-26 അധ്യയന വർഷം രണ്ടാം വർഷ ട്രാവൽ ആൻഡ് ടൂറിസം മാനേജ്‌മെന്റ് (ഓണേഴ്‌സ്) ബിരുദ കോഴ്‌സിൽ മൂന്നാം സെമസ്റ്ററിൽ രണ്ട് സീറ്റുകൾ ഒഴിവുണ്ട്.
2024- 25 അധ്യയന വർഷം കാലിക്കറ്റ് യൂണിവേഴ്സിറ്റി അഡ്മിഷൻ പോർട്ടലിൽ രജിസ്റ്റർ ചെയ്ത ഇതേ കോഴ്‌സിലെ രണ്ടാം സെമസ്റ്റർ വിദ്യാർഥികൾക്ക് കാലിക്കറ്റ് യൂണിവേഴ്സിറ്റിയുടെ നിയമങ്ങൾക്ക് വിധേയമായി കോളെജ് ട്രാൻസ്ഫറിന് അപേക്ഷിക്കാവുന്നതാണ്.
മെയ് 31 വരെ നേരിട്ടുള്ള അപേക്ഷകൾ സ്വീകരിക്കും.
കൂടുതൽ വിവരങ്ങൾക്ക് കോളെജുമായി ബന്ധപ്പെടാവുന്നതാണെന്ന് പ്രിൻസിപ്പൽ അറിയിച്ചു.
ഫോൺ: 0480-2802213
ഇരിങ്ങാലക്കുട : സെന്റ് തോമസ് കത്തീഡ്രൽ സെന്റ് പീറ്റർ കുടുംബയൂണിറ്റ് ഹൃദയ പാലിയേറ്റീവിന് കട്ടിലുകൾ വിതരണം ചെയ്തു.
മാർ ജെയിംസ് പഴയാറ്റിൽ ഹൃദയ പാലിയേറ്റീവിലെ രോഗികൾക്കായി ആധുനിക രീതിയിലുള്ള 5 കട്ടിലുകളാണ് വിതരണം ചെയ്തത്.
കത്തീഡ്രൽ വികാരി റവ. ഡോ. ലാസർ കുറ്റിക്കാടൻ വിതരണോദ്ഘാടനം നിർവഹിച്ചു.
പാലിയേറ്റീവ് കെയർ ഡയറക്ടർ ഫാ. ഷാജു ചിറയത്ത് അധ്യക്ഷത വഹിച്ചു.
അസി. ഡയറക്ടർ ഫാ. ജോസഫ് മാളിയേക്കൽ, കത്തീഡ്രൽ ട്രസ്റ്റിമാരായ തിമോസ് പാറേക്കാടൻ, സി.എം. പോൾ ചാമപറമ്പിൽ, ബാബു ജോസ് പുത്തനങ്ങാടി, ജോമോൻ തട്ടിൽ മണ്ടി ഡേവി, കേന്ദ്രസമിതി പ്രസിഡന്റ് ജോമി ചേറ്റുപുഴക്കാരൻ, സോഷ്യൽ ആക്ഷൻ പ്രസിഡന്റ് ടോണി ചെറിയാടൻ, കുടുംബയൂണിറ്റ് പ്രസിഡന്റ് ബാബു ചേലക്കാട്ടുപറമ്പിൽ, സെക്രട്ടറി വർഗീസ് റപ്പായി പറമ്പി, ട്രഷറർ ടോമി പോൾ പറമ്പി, വൈസ് പ്രസിഡന്റ് രാജമ്മ ലോനപ്പൻ, ജോയിന്റ് സെക്രട്ടറി ജോയ് മുളരിക്കൽ എന്നിവർ പ്രസംഗിച്ചു.
ഇരിങ്ങാലക്കുട : കാലവർഷം ശക്തമായതോടെ മണ്ണിടിച്ചിൽ ഭീഷണിയുള്ള മുകുന്ദപുരം താലൂക്കിലെ നാലിടങ്ങളിൽ നിന്ന് 66 കുടുംബങ്ങൾക്ക് മാറി താമസിക്കാനുള്ള നോട്ടീസ് നൽകി.
വെള്ളപ്പൊക്ക ഭീഷണിയെ തുടർന്ന് കരുവന്നൂർ പുഴയോരത്ത് താമസിക്കുന്ന 7 കുടുംബങ്ങളോടും മാറി താമസിക്കാനുള്ള നിർദ്ദേശം നൽകിയിട്ടുണ്ട്.
കാലവർഷം ആരംഭിക്കുന്നതിനു മുമ്പ് വെള്ളപ്പൊക്കം, കടൽക്ഷോഭം, മണ്ണിടിച്ചിൽ എന്നിവയ്ക്ക് സാധ്യതയുള്ള സ്ഥലങ്ങൾ കണ്ടെത്തി സുരക്ഷയൊരുക്കുന്നതിന്റെ ഭാഗമായാണ് നടപടി.
മാപ്രാണം വാതിൽമാടം ക്ഷേത്രത്തിന് സമീപമുള്ള നാലുസെന്റ് കോളനിയിലെ 7 കുടുംബങ്ങൾക്കും, വെള്ളാങ്ങല്ലൂർ പഞ്ചായത്തിലെ മുസാഫരിക്കുന്നിൽ 23 കുടുംബങ്ങൾക്കും, കാറളം കോഴിക്കുന്നിൽ 9 കുടുംബങ്ങൾക്കും, പുത്തൻചിറ കുംഭാരസമാജം റോഡിൽ 22 കുടുംബങ്ങൾക്കുമാണ് നോട്ടീസ് നൽകിയിരിക്കുന്നത്.
2018- 19 വർഷത്തിലുണ്ടായ പ്രളയത്തിന്റെയും മണ്ണിടിച്ചിലിന്റെയും പശ്ചാത്തലത്തിൽ മണ്ണ് സംരക്ഷണ വകുപ്പ്, മൈനിംഗ് ആൻഡ് ജിയോളജി, ഗ്രൗണ്ട് വാട്ടർ, റവന്യൂ, തദ്ദേശസ്വയംഭരണ വകുപ്പ് എന്നിവർ നടത്തിയ പരിശോധനയ്ക്ക് ശേഷമാണ് അപകട ഭീഷണി നിലനിൽക്കുന്ന പ്രദേശങ്ങളിലെ കുടുംബങ്ങൾക്ക് മാറി താമസിക്കാനുള്ള നോട്ടീസ് നൽകിയിരിക്കുന്നത്.
ഇരിങ്ങാലക്കുട : ഇന്ന് രാവിലെയുണ്ടായ ശക്തമായ കാറ്റിൽ കണ്ഠേശ്വരം ക്ഷേത്രത്തിനു മുൻവശം നിർത്തിയിട്ടിരുന്ന കാറിന് മുകളിലേക്ക് മരം വീണ് കാറ് തകർന്നു. തൊട്ടടുത്ത് പാർക്ക് ചെയ്തിരുന്ന ഓട്ടോറിക്ഷക്കും കേടുപാടുകൾ സംഭവിച്ചിട്ടുണ്ട്.
വിവരമറിയിച്ചതിനെ തുടർന്ന് ഫയർഫോഴ്സ് സ്ഥലത്ത് എത്തിയെങ്കിലും അതിനു മുമ്പു തന്നെ നാട്ടുകാർ മരം മുറിച്ചു മാറ്റിയിരുന്നു.
പ്രദേശത്ത് പലയിടങ്ങളിലും മരങ്ങൾ വീണ് അപകടങ്ങൾ ഉണ്ടായിട്ടുണ്ട്.
വർഗീസ്
ഇരിങ്ങാലക്കുട : പുല്ലൂർ ഐനിക്കൽ കുഞ്ഞുവറീത് മകൻ വർഗീസ് (78) നിര്യാതനായി.
സംസ്കാരകർമ്മങ്ങൾ ഇന്ന് (വ്യാഴാഴ്ച) വൈകീട്ട് 4.30 ന് പുല്ലൂർ സെന്റ് സേവിയേഴ്സ് ദേവാലയ സെമിത്തേരിയിൽ.
ഭാര്യ : ആനി വർഗീസ്
മക്കൾ : നിമ്മി, സിമ്മി, ലിമ്മി, ലീന
മരുമക്കൾ : ജോസ്, ബാബു, ജോയ്, പോൾ
ഇരിങ്ങാലക്കുട : കേരള ബാഡ്മിന്റൺ ചരിത്രത്തിൽ ആദ്യമായി വനിതകൾ മാത്രം മത്സരിക്കുന്ന കേരള വുമൺസ് ബാഡ്മിന്റൺ ലീഗ് ഇരിങ്ങാലക്കുട ക്രൈസ്റ്റ് അക്വാറ്റിക് ഷട്ടിൽ അക്കാദമിയിൽ നടക്കും.
മെയ് പതിനെട്ടാം തീയതി നടക്കുന്ന ലീഗ് മത്സരങ്ങളിൽ ഇന്ത്യക്ക് വേണ്ടിയും സംസ്ഥാനത്തിന് വേണ്ടിയും കളിച്ചിട്ടുള്ള മികച്ച താരങ്ങൾ പങ്കെടുക്കും.
വിജയികൾക്ക് ട്രോഫികളും ക്യാഷ് അവാർഡുകളും സമ്മാനിക്കും.
35 വയസ്സിന് താഴെയുള്ളവരുടെ വിഭാഗം, 35 വയസ്സിന് മുകളിലുള്ളവരുടെ വിഭാഗം, 45 വയസ്സിന് മുകളിലുള്ളവരുടെ വിഭാഗം എന്നിങ്ങനെ മൂന്നു വിഭാഗങ്ങളിലായിട്ടാണ് മത്സരങ്ങൾ നടക്കുക.
കൊച്ചിൻ സ്മാഷേഴ്സ്, അവനീർ ഏവിയേഷൻസ് എറണാകുളം, ലയൻസ് ഷട്ടിൽ ക്ലബ് ഇരിങ്ങാലക്കുട, ഡേവിസ് ബാഡ്മിന്റൺ അക്കാദമി തൃശൂർ എന്നീ ഫ്രാഞ്ചൈസികൾ ആണ് മത്സരങ്ങളിൽ പങ്കെടുക്കുക.
ഇവരുടെ നേതൃത്വത്തിൽ വിവിധ പ്രദേശങ്ങളിലായി മത്സരങ്ങളിൽ ഉള്ള ഒരുക്കങ്ങൾ നടന്നുവരുന്നു.
ടൂർണമെന്റിനുള്ള ഒരുക്കങ്ങൾ പൂർത്തിയായതായി സംഘാടകരായ ക്രൈസ്റ്റ് അക്വാറ്റിക് അക്കാദമി
പ്രസിഡണ്ട് സ്റ്റാൻലി ലാസർ, സെക്രട്ടറി പീറ്റർ ജോസഫ്, ട്രഷറർ ടോമി മാത്യു എന്നിവർ അറിയിച്ചു.
ഇരിങ്ങാലക്കുട : കേരളത്തിലെ കേരകൃഷി സംരക്ഷണത്തിന് ലോക ബാങ്ക് നൽകിയ 139 കോടി രൂപ വകമാറ്റി ചിലവഴിച്ചതിലും നെൽ കർഷകരോട് സംസ്ഥാന സർക്കാർ കാട്ടുന്ന കടുത്ത അവഗണനയിലും പ്രതിഷേധിച്ച് കർഷക കോൺഗ്രസ്സ് കൊടുങ്ങല്ലൂർ നിയോജക
മണ്ഡലം കമ്മിറ്റിയുടെ ആഭിമുഖ്യത്തിൽ വെള്ളാങ്ങല്ലൂർ കൃഷിഭവനിലേക്ക്
ബഹുജന കർഷകമാർച്ച് നടത്തി.
യൂത്ത് കോൺഗ്രസ്സ് അഖി
ലേന്ത്യാ കോർഡിനേറ്റർ ഷോൺ പെല്ലിശ്ശേരി ഉദ്
ഘാടനം ചെയ്തു.
നിയോജക മണ്ഡലം പ്രസിഡണ്ട് സാനി ചക്കാലക്കൽ അദ്ധ്യക്ഷനായി.
കർഷക കോൺഗ്രസ്സ് സംസ്ഥാന സെക്രട്ടറി കെ.എൻ. സജീവൻ മുഖ്യപ്രഭാഷണം നടത്തി.
കർഷക കോൺഗ്രസ്സ്
സംസ്ഥാനകമ്മിറ്റി അംഗം
എ.ആർ.ബൈജു, വെള്ളാങ്ങല്ലൂർബ്ലോക്ക്
പഞ്ചായത്ത് പ്രതിപക്ഷ നേതാവ് അഡ്വ. ശശികുമാർ ഇടപ്പുഴ, വെള്ളാങ്ങല്ലൂർ മണ്ഡലം കോൺഗ്രസ് കമ്മിറ്റി പ്രസിഡന്റ് എ.എ.മുസമ്മിൽ, ബ്ലോക്ക് കോൺഗ്രസ് കമ്മിറ്റി വൈസ് പ്രസിഡന്റുമാരായ കമാൽ കാട്ടകത്ത്, ഇ.വി. സജീവൻ, അയൂബ് കരൂപ്പടന്ന, വി.വി. ധർമ്മജൻ, എം.പി. സോണി, ഐ എൻ ടി യു സി നിയോജക മണ്ഡലം കമ്മിറ്റി പ്രസിഡന്റ് ജോപ്പി മങ്കിടിയൻ, വി. മോഹൻ
ദാസ്‌, സലീം അറക്കൽ, വി.ജി.സുമേഷ്
കുമാർ, രാഹുൽ വിജയൻ
അനൂപ് ആനപ്പാറ, ഇ.കെ.
ജോബി തുടങ്ങിയവർ പ്രസംഗിച്ചു.
കർഷക കോൺഗ്രസ് മണ്ഡലം പ്രസിഡണ്ട് മാരായ രമേശ് മാടത്തിങ്കൽ സ്വാഗതവും നോബൽ കണ്ണത്ത് നന്ദിയും പറഞ്ഞു .
