IRINJALAKUDA TIMES
ഇരിങ്ങാലക്കുട : ഫെബ്രുവരി 14, 15, 16 തീയ്യതികളിൽ കോഴിക്കോട് നടക്കുന്ന സംസ്ഥാന സമ്മേളനത്തിൻ്റെ ഭാഗമായി കെ എസ് ടി എ ഇരിങ്ങാലക്കുട ഉപജില്ല കമ്മിറ്റി പതാക ദിനം ആചരിച്ചു.
പൊതുയോഗം ജില്ലാ ജോയിൻറ് സെക്രട്ടറി സജി പോൾസൺ ഉദ്ഘാടനം ചെയ്തു.
ജ്യോതിഷ് അധ്യക്ഷത വഹിച്ചു.
ജില്ലാ എക്സിക്യൂട്ടിവ് മെമ്പർ കെ വി വിദ്യ, കെ കെ താജുദ്ദീൻ എന്നിവർ സംസാരിച്ചു.
കെ ഡി ബിജു സ്വാഗതവും എം എസ്
സുധിഷ് നന്ദിയും പറഞ്ഞു.
ഇരിങ്ങാലക്കുട : കെ എസ് ടി പി യുടെ സംസ്ഥാനപാത നിർമ്മാണത്തിന്റെ ഭാഗമായി മാപ്രാണം മുതൽ പുത്തൻതോട് വരെയുള്ള ഗതാഗത നിയന്ത്രണങ്ങളിൽ പുതിയ ക്രമീകരണങ്ങൾ ഏർപ്പെടുത്തി.
കൊടുങ്ങല്ലൂരിൽ നിന്നും തൃശ്ശൂരിലേക്കുള്ള വാഹനങ്ങൾ നിലവിലുള്ള പാതയിലൂടെ സഞ്ചരിക്കേണ്ടതാണ്.
തൃശ്ശൂരിൽ നിന്നും കൊടുങ്ങല്ലൂരിലേക്ക് പോകുന്ന വാഹനങ്ങൾ പുത്തൻതോടിൽ നിന്നും തിരിഞ്ഞ് ചെമ്മണ്ട – പൊറത്തിശ്ശേരി വഴി സിവിൽ സ്റ്റേഷൻ റോഡ് വഴി ബസ് സ്റ്റാൻ്റിലെത്തി യാത്ര തുടരേണ്ടതാണെന്ന് കെ എസ് ടി പി എക്സിക്യൂട്ടീവ് എഞ്ചിനീയർ അറിയിച്ചു.
ജോൺ
ഇരിങ്ങാലക്കുട : കാട്ടൂർ കോമ്പാറക്കാരൻ കുഞ്ഞുവറീത് മകൻ ജോൺ (69) നിര്യാതനായി.
സംസ്കാരം നടത്തി.
ഭാര്യ : ഉഷ
മക്കൾ : ഡിജി, ഡിനോയ്, ഡിറ്റോ
മരുമക്കൾ : വിനു, നിമ്മി, നീതു
ഇരിങ്ങാലക്കുട : സമഗ്ര ശിക്ഷ കേരള ഇരിങ്ങാലക്കുട ബി ആർ സി യുടെ പരിധിയിലുള്ള സ്കൂളുകളിലെ അക്കാദമിക പ്രവർത്തനങ്ങളുമായി ബന്ധപ്പെട്ട് അധ്യാപകർ പ്രൊജക്റ്റ് അവതരണം നടത്തി.
ബിപിസി കെ ആർ സത്യപാലൻ അധ്യക്ഷത വഹിച്ചു.
സൈക്കോളജിസ്റ്റ് ഡോ എ വി രാജേഷ് മോഡറേറ്ററായി പ്രൊജക്റ്റിന്റെ മെച്ചപ്പെടുത്തലുകളെ കുറിച്ച് ആവശ്യമായ നിർദ്ദേശം നൽകി.
ഹയർസെക്കൻഡറി, ഹൈസ്കൂൾ, യുപി വിഭാഗത്തിൽ 40 വിദ്യാലയങ്ങളിൽ നിന്നും അവതരണം നടത്തി.
സി ആർ സി സി കോർഡിനേറ്റർ സി ഡി ഡോളി ആമുഖ പ്രഭാഷണം നടത്തി.
തെരഞ്ഞെടുക്കപ്പെട്ട പ്രൊജക്റ്റുകൾ ജില്ലയിൽ അവതരിപ്പിക്കും.
സി ആർ സി സി കോർഡിനേറ്റർമാർ പരിപാടികൾക്ക് നേതൃത്വം നൽകി.
പ്രദീപ് കുമാർ
ഇരിങ്ങാലക്കുട : കാക്കാത്തുരുത്തി തണ്ടാശ്ശേരി പരേതനായ സുകുമാരൻ മകൻ പ്രദീപ് കുമാർ (56) നിര്യാതനായി.
സംസ്കാരം ഇന്ന് വീട്ടുവളപ്പിൽ.
ഭാര്യ : സിന്ധു
മക്കൾ : ഉണ്ണിമായ, ഉദയ് കുമാർ
സഹോദരങ്ങൾ : ജയകുമാർ, സുജാത, ലത, രാജി
ലക്ഷ്മിക്കുട്ടി അമ്മ
കോണത്തുകുന്ന് : മനക്കലപ്പടി നാഞ്ചേരി വീട്ടിൽ മാണിക്യൻകുട്ടി നായർ ഭാര്യ ലക്ഷ്മിക്കുട്ടി അമ്മ (77) നിര്യാതയായി.
സംസ്കാരം വ്യാഴാഴ്ച്ച (ജനുവരി 30) ഉച്ചയ്ക്ക് 12.30ന് ഇരിങ്ങാലക്കുട മുക്തിസ്ഥാനിൽ.
മക്കൾ : ഉണ്ണികൃഷ്ണൻ, രാമചന്ദ്രൻ, ആശ, സിന്ധു
മരുമക്കൾ : ഗോപാലകൃഷ്ണൻ, കൃഷ്ണകുമാർ, ശെൽവി, ലതാദേവി
ഇബ്രാഹിം കുട്ടി
ഇരിങ്ങാലക്കുട : കാട്ടൂർ ഇല്ലിക്കാട് പാലക്കൽ കാദർകുഞ്ഞി മകൻ ഇബ്രാഹിംകുട്ടി (82) നിര്യാതനായി.
ഖബറടക്കം നടത്തി.
ഭാര്യ : നബീസ
മക്കൾ : ജമീല, ഷെമീറ, അബ്ദുൾ കാദർ
മരുമക്കൾ : സെയ്തു മുഹമ്മദ്, അബ്ദുൾ കാദർ, ഷൈല
ഇരിങ്ങാലക്കുട : പരിസ്ഥിതി സംരക്ഷണ പ്രവർത്തനങ്ങളുടെ ഭാഗമായി ഗവ കെ കെ ടി എം കോളെജിൽ ഭൂമിത്രസേന ക്ലബ്ബ്, ഐ ക്യു എ സി, സുവോളജി വകുപ്പ് എന്നിവയുടെ നേതൃത്വത്തിൽ “പ്ലാസ്റ്റിക്കിന്റെ പുനരുപയോഗ സാദ്ധ്യതകൾ” എന്ന വിഷയത്തെ ആസ്പദമാക്കി ശില്പശാല സംഘടിപ്പിച്ചു.
പ്രസ്തുത പരിപാടിയിൽ സുവോളജി വകുപ്പു മേധാവി പ്രൊഫ ഡോ ഇ എം ഷാജി അദ്ധ്യക്ഷത വഹിച്ചു.
മുഖ്യ പ്രഭാഷകയും കൊരട്ടി
എം എ എം ഹയർ സെക്കണ്ടറി സ്കൂൾ അദ്ധ്യാപികയുമായ റൂത്ത് മരിയ പരിപാടി ഉദ്ഘാടനം ചെയ്തു.
പ്രധാന പ്രഭാഷണത്തിൽ അവർ പ്ലാസ്റ്റിക്മാലിന്യങ്ങൾ ഉണ്ടാക്കുന്ന പരിസ്ഥിതി പ്രശ്നങ്ങളും, പുനരുപയോഗത്തിലൂടെ അവ പരിഹരിക്കാനാവുന്ന മാർഗ്ഗങ്ങളും വിശദീകരിച്ചു.
ഭൂമിത്രസേന ക്ലബ്ബിന്റെ കോർഡിനേറ്റർ കെ സി സൗമ്യ സ്വാഗതം പറഞ്ഞു.
സുവോളജി അധ്യാപകരായ എൻ കെ പ്രസാദ് ആശംസാപ്രസംഗവും ഡോ സീമ മേനോൻ നന്ദി പ്രകാശനവും നടത്തി.
വിവിധ വിഭാഗങ്ങളിൽ നിന്നായി നിരവധി വിദ്യാർത്ഥികളും അധ്യാപകരും പരിപാടിയിൽ പങ്കെടുത്തു.
ശില്പശാല, പ്ലാസ്റ്റിക്കിന്റെ പുനരുപയോഗ സംസ്കാരത്തെ പ്രോത്സാഹിപ്പിക്കുന്നതിനു കാരണമായി എന്ന് കുട്ടികൾ അഭിപ്രായപ്പെട്ടു.
ഇരിങ്ങാലക്കുട : മുൻ എം എൽ എ പ്രൊഫ കെ യു അരുണൻ്റെ പ്രാദേശിക വികസനഫണ്ടിൽ നിന്നും സ്പെയ്സ് ലൈബ്രറിക്ക് അനുവദിച്ച സെമിനാർ ഹാളിൻ്റെ ഉദ്ഘാടനം മന്ത്രി ഡോ ആർ ബിന്ദു നിർവ്വഹിച്ചു.
വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡണ്ട് സുധ ദിലീപ് അധ്യക്ഷത വഹിച്ചു.
മുൻ എം എൽ എ കെ യു അരുണൻ മുഖ്യാതിഥിയായിരുന്നു.
വേളൂക്കര ഗ്രാമ പഞ്ചായത്ത് പ്രസിഡണ്ട് കെ എസ് ധനീഷ്, ബ്ലോക്ക് പഞ്ചായത്ത് മെമ്പർമാരായ വിജയലക്ഷമി വിനയചന്ദ്രൻ, ടെസ്സി ജോയ്, പഞ്ചായത്ത് മെമ്പർ ലീന ഉണ്ണികൃഷ്ണൻ, ലൈബ്രറി പ്രസിഡണ്ട് കെ പി രാഘവപ്പൊതുവാൾ, ടി ഡി ലാസർ, ബാലൻ അമ്പാടത്ത്, ഡോ കെ രാജേന്ദ്രൻ, ടി ശിവൻ, പി സതീശൻ എന്നിവർ പ്രസംഗിച്ചു.
ഇരിങ്ങാലക്കുട : കരൂപ്പടന്ന ജി എച്ച് എസ് സ്കൂളിൽ ഓഫീസ് അറ്റൻഡൻ്റ് തസ്തികയിൽ ഒരു മാസത്തെ താൽക്കാലിക ഒഴിവിലേക്ക് ദിവസവേതന അടിസ്ഥാനത്തിൽ നിയമനം നടത്തുന്നു.
പത്താം ക്ലാസ് ജയിച്ച് ഡിഗ്രി യോഗ്യതയില്ലാത്ത ഉദ്യോഗാർത്ഥികൾ മതിയായ രേഖകളുമായി ജനുവരി 27 (തിങ്കളാഴ്ച) രാവിലെ 10.30 ന് ഓഫീസിൽ കൂടിക്കാഴ്ചക്ക് ഹാജരാകേണ്ടതാണ്.
