ഇരിങ്ങാലക്കുട : സേവാഭാരതി ആരോഗ്യ വിഭാഗം ഇരിങ്ങാലക്കുട കനാൽ ബേസിൽ സംഘടിപ്പിച്ച സൗജന്യ ബ്ലഡ് ഷുഗർ, പ്രഷർ പരിശോധനാ ക്യാമ്പ് കൗൺസിലർ മിനി സണ്ണി നെടുമ്പുരക്കാരൻ ഉദ്ഘാടനം ചെയ്തു.
സേവാഭാരതി വൈസ് പ്രസിഡന്റ് ഗോപിനാഥ് പീടികപറമ്പിൽ അധ്യക്ഷത വഹിച്ചു.
യോഗത്തിൽ പട്ട്യാര സമുദായ സെക്രട്ടറി സുകുമാരൻ ആശംസകൾ നേർന്നു.
സേവാഭാരതി മെഡി സെൽ കോർഡിനേറ്റർ രാജിലക്ഷ്മി സുരേഷ് സ്വാഗതവും ആരോഗ്യ വിഭാഗം കൺവീനർ ജഗദീഷ് പണിക്കവീട്ടിൽ നന്ദിയും പറഞ്ഞു.
ക്യാമ്പിന് ഡോ ഉഷാകുമാരി നേതൃത്വം നൽകി.
രാഷ്ട്രീയ സ്വയംസേവ സംഘം ഇരിങ്ങാലക്കുട മണ്ഡൽ സേവാ പ്രമുഖ് ഷൈജു, സേവാഭാരതി ട്രഷറർ രവീന്ദ്രൻ, എക്സിക്യൂട്ടിവ് മെമ്പർമാരായ കവിത ലീലാധരൻ, മെഡിസെൽ പ്രസിഡന്റ് മിനി സുരേഷ്, വിദ്യ സജിത്ത്, കല കൃഷ്ണ കുമാർ, സൗമ്യ സംഗീത്, സംഗീത, ടിന്റു, ഹരികുമാർ തളിയക്കാട്ടിൽ, മണികണ്ഠൻ, ജയന്തി രാഘവൻ, ഒ എൻ സുരേഷ്, മോഹിത് എന്നിവർ സന്നിഹിതരായിരുന്നു.
പിന്നോക്ക ബസ്തി പ്രവർത്തനങ്ങൾക്ക് കൂടുതൽ പ്രാധാന്യം നൽകിക്കൊണ്ട് പ്രവർത്തിക്കുന്നതിന്റെ ഭാഗമായാണ് ക്യാമ്പ് കനാൽ ബേസ് കോളനിയിൽ സംഘടിപ്പിച്ചത്.
ക്യാമ്പിൽ 78 ഓളം പേർക്ക് ബ്ലഡ് പ്രഷറും, ബ്ലഡ് ഷുഗറും ടെസ്റ്റ് ചെയ്യുകയും അതിനുശേഷം അവർക്ക് വേണ്ടുന്ന മാർഗ്ഗനിർദ്ദേശങ്ങൾ നൽകുകയും ചെയ്തു.
രാവിലെ 7 മണിക്ക് ആരംഭിച്ച ക്യാമ്പ് ഉച്ചയ്ക്ക് 12 മണിയോടുകൂടിയാണ് സമാപിച്ചത്.
