ഇരിങ്ങാലക്കുട : സി പി എം ഇരിങ്ങാലക്കുട ഏരിയ സമ്മേളനത്തിൻ്റെ ഭാഗമായി രണ്ടു ദിവസങ്ങളിലായി നടന്നു വന്നിരുന്ന പ്രതിനിധി സമ്മേളനം സമാപിച്ചു.
പ്രവർത്തന റിപ്പോർട്ട് ചർച്ചയിൽ 14 ലോക്കൽ കമ്മിറ്റികളിൽ നിന്നായി 33 പേർ പങ്കെടുത്തു.
പൊതുചർച്ചയ്ക്ക് ജില്ലാ സെക്രട്ടറി എം എം വർഗ്ഗീസും, ഏരിയ സെക്രട്ടറി വി എ മനോജ് കുമാറും മറുപടി പറഞ്ഞു.
ജില്ലാ സെക്രട്ടറിയേറ്റ് അംഗങ്ങളായ പി കെ ഷാജൻ, കെ കെ രാമചന്ദ്രൻ എം എൽ എ, ജില്ലാകമ്മിറ്റി അംഗം മന്ത്രി ഡോ ആർ ബിന്ദു എന്നിവർ പ്രസംഗിച്ചു.
ടി എസ് സജീവൻ മാസ്റ്റർ ക്രഡൻഷ്യൽ റിപ്പോർട്ട് അവതരിപ്പിച്ചു.
21 അംഗ ഏരിയ കമ്മിറ്റിയേയും, സെക്രട്ടറിയായി വി എ മനോജ് കുമാറിനെയും തെരഞ്ഞെടുത്തു. കഴിഞ്ഞ കമ്മിറ്റിയിലും മനോജ് കുമാർ തന്നെയായിരുന്നു സെക്രട്ടറി.
കെ സി പ്രേമരാജൻ, കെ എ ഗോപി, ടി ജി ശങ്കരനാരായണൻ, എ വി അജയൻ, സി ഡി സിജിത്ത്, കെ പി ജോർജ്ജ്, ലത ചന്ദ്രൻ, കെ കെ സുരേഷ് ബാബു, ടി എസ് സജീവൻ മാസ്റ്റർ, എം ബി രാജു, ആർ എൽ ശ്രീലാൽ, ജയൻ അരിമ്പ്ര, പി കെ മനുമോഹൻ, ടി പ്രസാദ്, ജോസ് ജെ ചിറ്റിലപ്പിള്ളി, ടി വി വിജീഷ്, കെ ജി മോഹനൻ, കെ കെ വിനയൻ, കെ വി മദനൻ, വത്സല ബാബു എന്നിവരാണ് തെരഞ്ഞെടുക്കപ്പെട്ട മറ്റു അംഗങ്ങൾ.
വെള്ളിയാഴ്ച്ച ഉച്ചയ്ക്ക് 4 മണിക്ക് ഠാണാവിൽ നിന്ന് ചുവപ്പ് സേന മാർച്ചും പ്രകടനവും ആരംഭിക്കും.
ടൗൺ ഹാൾ അങ്കണത്തിൽ നടക്കുന്ന പൊതുസമ്മേളനം സംസ്ഥാന സെക്രട്ടറിയേറ്റ് അംഗം പുത്തലത്ത് ദിനേശൻ ഉദ്ഘാടനം ചെയ്യും.
