ഇരിങ്ങാലക്കുട : മുരിയാട് റോഡിലെ വല്ലക്കുന്ന് ചിറയിൽ ആളൂർ സ്വദേശിയെ മരിച്ച നിലയിൽ കണ്ടെത്തി.
ആളൂർ കോക്കാട്ട് വീട്ടിൽ കോളിൻസി(51) നെയാണ് മരിച്ച നിലയിൽ കണ്ടെത്തിയത്. മുതിർന്ന സി പി എം നേതാവും മുൻ ആളൂർ പഞ്ചായത്ത് പ്രസിഡൻ്റുമായ പോൾ കോക്കാട്ടിൻ്റെയും മുൻ ജില്ലാ പഞ്ചായത്തംഗം കാതറിൻ പോളിൻ്റെയും മകനാണ്.
ഞായറാഴ്ച രാത്രി വീട്ടിൽ നിന്നും പെട്രോൾ അടിക്കാൻ സ്കൂട്ടറിൽ പുറപ്പെട്ട കോളിൻസ് തിരിച്ചെത്താത്തതിനെ തുടർന്ന് ആളൂർ പോലീസിൽ വിവരം അറിയിച്ചിരുന്നു. ഇതിനിടയിൽ ഇന്ന് രാവിലെയാണ് ചിറയിൽ നിന്ന് മൃതദേഹം കണ്ടെത്തിയത്.
സ്കൂട്ടറും ചിറയിൽ നിന്നും കണ്ടെത്തിയിട്ടുണ്ട്.
ആളൂർ പോലീസ് മേൽനടപടികൾ സ്വീകരിച്ചു
