ഇരിങ്ങാലക്കുട : തൊഴിലാളി വർഗ്ഗം, കർഷകർ, അധഃസ്ഥിത ജനവിഭാഗങ്ങൾ എന്നീ വിഭാഗങ്ങളെ പ്രതികൂലമായി ബാധിക്കുന്ന തരത്തിൽ കേന്ദ്ര സർക്കാർ നടപ്പാക്കാൻ ശ്രമിക്കുന്ന തൊഴിൽ നിയമങ്ങൾക്കെതിരെ തൊഴിൽ കോഡുകൾ ഒഴിവാക്കുക, പൊതുമേഖലാ തൊഴിലിടങ്ങളുടെ വില്പന അവസാനിപ്പിക്കുക, ദേശീയ സമ്പത്ത് വില്പന നിർത്തുക,വിലക്കയറ്റവും തൊഴിലില്ലായ്മയും അവസാനിപ്പിക്കുക, കർഷകരെ സംരക്ഷിക്കുക, കോർപ്പറേറ്റ് കൊള്ള ചെറുക്കുക തുടങ്ങിയ മുദ്രാവാക്യങ്ങളുമായി ഐക്യ ട്രേഡ് യുണിയന്റെ നേതൃത്വത്തിൽ മെയ് 20ന് നടക്കുന്ന ദേശീയ പണിമുടക്കിനോട് അനുബന്ധിച്ച് നടന്ന ഇരിങ്ങാലക്കുട മണ്ഡലം കൺവെൻഷൻ എ ഐ
ടി യു സി തൃശൂർ ജില്ലാ പ്രസിഡന്റ് ടി കെ സുധീഷ് ഉദ്ഘാടനം ചെയ്തു.
ചടങ്ങിൽ സി ഐ ടി യു ഏരിയ സെക്രട്ടറി
കെ എ ഗോപി അദ്ധ്യക്ഷത വഹിച്ചു.
കെ കെ ശിവൻ, എൻ കെ ഉദയപ്രകാശ്, ലത ചന്ദ്രൻ, ഉല്ലാസ് കളക്കാട്ട് എന്നിവർ സംസാരിച്ചു,
വർദ്ധനൻ പുളിക്കൽ, റഷീദ് കാറളം, സി ഡി സിജിത്ത്, ബാബു ചിങ്ങാരത്ത്, മോഹനൻ വലിയാട്ടിൽ എന്നിവർ നേതൃത്വം നൽകി.
