പ്രതിബദ്ധത ജനങ്ങളോട് മാത്രം….
IRINJALAKUDA TIMES
22ന് ദേശീയ ഗണിത ദിനാഘോഷം സംഘടിപ്പിക്കും
ഇരിങ്ങാലക്കുട : ലോക പ്രശസ്ത ഭാരതീയ ഗണിതശാസ്ത്രകാരൻ ശ്രീനിവാസ രാമാനുജന്റെ ജന്മദിനമായ ഡിസംബർ 22 ദേശീയ ഗണിതശാസ്ത്ര ദിനമായി ആചരിക്കുന്നതിന്റെ ഭാഗമായി ഇരിങ്ങാലക്കുടയിലും ദേശീയ ഗണിതശാസ്ത്ര ദിനം ആചരിക്കും.
ഇരിങ്ങാലക്കുട കേന്ദ്രമായി പ്രവർത്തിക്കുന്ന സംഗമഗ്രാമ മാധവ ഗണിതശാസ്ത്ര പരിഷത്ത്‌ എന്ന ഭാരതീയ ഗണിത പൈതൃക കൂട്ടായ്മയുടെ ആഭിമുഖ്യത്തിലാണ് ദേശീയ ഗണിത ദിനാഘോഷം സംഘടിപ്പിക്കുന്നത്.
22ന് ഉച്ചതിരിഞ്ഞ് 2 മണി മുതലാണ് ഇരിങ്ങാലക്കുട ഭാരതീയ കലാക്ഷേത്രം ഹാളിൽ ആഘോഷ പരിപാടികൾ നടക്കുന്നത്.
കോസ്മിക് മാത്‌സ് ഫൗണ്ടേഷൻ ഡയറക്ടർ പി ദേവരാജ് ഉദ്ഘാടനം നിർവഹിക്കും.
യു ആർ ബി ഗ്ലോബൽ അവാർഡ് ജേതാവ് ടി എൻ രാമചന്ദ്രൻ “ലളിത ഗണിതം” എന്ന വിഷയത്തിൽ ക്ലാസ് അവതരിപ്പിക്കും.
തുടർന്ന് പൊതുവിദ്യാഭ്യാസ വകുപ്പിന്റെ ആഭിമുഖ്യത്തിൽ നടന്ന കേരള സ്കൂൾ ഗണിതശാസ്ത്ര മേളകളിൽ പങ്കെടുത്ത് വിജയികളായ ഇരിങ്ങാലക്കുട സബ് ജില്ലയിലെ വിദ്യാർഥികളെയും അധ്യാപകരെയും ആദരിക്കും.
സ്ത്രീകള്‍ക്കെതിരെയുള്ള കുറ്റകൃത്യങ്ങള്‍ നന്നായി അന്വേഷിക്കാന്‍ പുരുഷ ഓഫീസര്‍മാര്‍ക്ക് കഴിയും : ആര്‍ ഇളങ്കോ ഐപിഎസ്
ഇരിങ്ങാലക്കുട : സ്ത്രീകള്‍ക്കെതിരെയുള്ള കുറ്റകൃത്യങ്ങള്‍ അവരേക്കാള്‍ നന്നായി അന്വേഷിക്കാന്‍ പുരുഷ ഓഫീസര്‍മാര്‍ക്ക് കഴിയുമെന്ന് ആര്‍ ഇളങ്കോ ഐപിഎസ് അഭിപ്രായപ്പെട്ടു.
ഇരിങ്ങാലക്കുട ടെലസ് വിവേകാനന്ദ ഐപിഎസ് അക്കാദമിയില്‍ 53-ാമത് വിദ്യാസാഗരം പഠനവേദിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
ചടങ്ങില്‍ മുന്‍ നഗരസഭാ വൈസ് ചെയര്‍മാന്‍ ആന്റോ പെരുമ്പിള്ളി, ടെലസ് ഇന്റര്‍നാഷണല്‍ അക്കാദമി ഡയറക്ടര്‍ സോണി സേവ്യര്‍, മുതിര്‍ന്ന പത്രപ്രവര്‍ത്തകന്‍ എ ടി വര്‍ഗ്ഗീസ്, അക്കാദമി ഡയറക്ടര്‍ എം ആര്‍ മഹേഷ് തുടങ്ങിയവര്‍ സംസാരിച്ചു.
നാല് വയസില്‍ ഇന്ത്യന്‍ ബുക്ക് ഓഫ് റെക്കോഡ്‌സില്‍ ഇടം പിടിച്ച് ഇഷാന്‍ അബിത്ത് അക്ബര്‍
ഇരിങ്ങാലക്കുട : നാല് വയസില്‍ ഇന്ത്യന്‍ ബുക്ക് ഓഫ് റെക്കോഡ്‌സില്‍ ഇടം പിടിച്ച് ഇഷാന്‍ അബിത്ത് അക്ബര്‍.
വെറും 38 സെക്കന്റ് കൊണ്ട് ശരീരത്തിലെ എല്ലാ അസ്ഥികളെയും തിരിച്ചറിഞ്ഞ് പേര് പറഞ്ഞ് പുതു ചരിത്രം സൃഷ്ടിച്ച് ഇന്ത്യന്‍ ബുക്ക് ഓഫ് റെക്കോര്‍ഡ്‌സ് അച്ചീവ്‌മെന്റ് കരസ്ഥമാക്കിയിരിക്കുകയാണ് ഇഷാന്‍.
ഇരിങ്ങാലക്കുട കിഴുത്താണി തളിയപാടത്ത് വീട്ടില്‍ ഡോ അബിത്ത് അക്ബര്‍, ഡോ ഹുസ്‌ന അബിത്ത് എന്നിവരുടെ മകനായ ഇഷാൻ കാട്ടൂര്‍ അല്‍ബാബ് സെന്‍ട്രല്‍ സ്‌കൂളില്‍ എല്‍കെജി വിദ്യാര്‍ഥിയാണ്.
മനുഷ്യ ശരീരത്തിലെ എല്ലാ അസ്ഥികളും തൊട്ട് കാണിച്ച് പേര് വ്യക്തതയോടെ ഏറ്റവും വേഗതയില്‍ പറഞ്ഞെന്ന റെക്കോര്‍ഡ് ആണ് ഇഷാന്‍ കരസ്ഥമാക്കിയിരിക്കുന്നത്.
101 കിലോ തൂക്കമുള്ള മെഗാ കേക്കുമായി ആനത്തടം സ്‌കൂളില്‍ ക്രിസ്മസ് ആഘോഷം
ഇരിങ്ങാലക്കുട : ആനത്തടം സെന്റ് ആന്‍സ് പബ്ലിക് സ്‌കൂളില്‍ 101 കിലോ തൂക്കമുള്ള കേക്ക് മുറിച്ച് ക്രിസ്മസ് ആഘോഷിച്ചു.
ഡെപ്യൂട്ടി തഹസില്‍ദാര്‍ സി എ ഷൈജു ഉദ്ഘാടനം ചെയ്തു.
സ്‌കൂള്‍ മാനേജര്‍ സിസ്റ്റര്‍ ഷീബ തോമസ്, പ്രിന്‍സിപ്പല്‍ സിസ്റ്റര്‍ ഗ്രേസി പോള്‍, പി ടി ഡബ്ലിയു എ പ്രസിഡൻസ് സി എ വി ആര്‍ ലിന്റോ എന്നിവര്‍ സന്നിഹിതരായിരുന്നു.
തുടര്‍ന്ന് വിദ്യാര്‍ഥികളുടെ കലാപരിപാടകള്‍ അരങ്ങേറി.
ക്രിസ്തുമസിന്റെ സന്തോഷം എല്ലാവരുമായി പങ്കിടാന്‍ 101 കിലോ തുക്കത്തില്‍ 30 അടി നീളത്തിലും 2 അടി വീതിയുമുള്ള മെഗാ കേക്കാണ് തയ്യാറാക്കിയത്.
വിശുദ്ധരുടെയും സ്‌കൂളിന്റെയും ചിത്രങ്ങള്‍ കേക്കില്‍ ഒരുക്കിയിരുന്നു.
മുനയം റെഗുലേറ്റർ കം ബ്രിഡ്ജ് ഉടൻ പുനർനിർമ്മിക്കണം : കാട്ടൂരിൽ കേരള കോൺഗ്രസ്സ് ധർണ്ണ 23ന്
ഇരിങ്ങാലക്കുട : കാട്ടൂരിലെ മുനയം റഗുലേറ്റർ കം ബ്രിഡ്‌ജിന്റെ പണി ഉടൻ ആരംഭിക്കണം എന്നാവശ്യപ്പെട്ട് കേരള കോൺഗ്രസ്സ് കാട്ടൂർ മണ്ഡലം കമ്മിറ്റിയുടെ ആഭിമുഖ്യത്തിൽ ഡിസംബർ 23ന് രാവിലെ 10 മണിക്ക് കാട്ടൂരിൽ പ്രതിഷേധ ധർണ്ണ സംഘടിപ്പിക്കും.
കഴിഞ്ഞ യു ഡി എഫ് സർക്കാരിന്റെ കാലത്ത് 24 കോടി രൂപയുടെ ഭരണാനുമതിയും സാങ്കേതികാനുമതിയും ലഭിക്കുകയും ടെണ്ടർ നടപടികൾ പൂർത്തീകരിക്കുകയും ചെയ്ത മുനയം റഗുലേറ്റർ കം ബ്രിഡ്‌ജിന്റെ നിർമാണ പ്രവർത്തനങ്ങൾ ഒന്നും തന്നെ നടത്തിയിട്ടില്ലെന്ന് കേരള കോൺഗ്രസ് ആരോപിച്ചു.
ചടങ്ങിൽ പാർട്ടി കാട്ടൂർ മണ്ഡലം പ്രസിഡൻ്റ് അഷറഫ് പാലിയത്താഴത്ത് അധ്യക്ഷത വഹിക്കും.
കേരള കോൺഗ്രസ് ഡെപ്യൂട്ടി ചെയർമാൻ മുൻ കേരള സർക്കാർ ചീഫ് വിപ്പ് അഡ്വ തോമസ് ഉണ്ണിയാടൻ ധർണ്ണ ഉദ്ഘാടനം ചെയ്യും.
കോന്തിപുലം പാടത്ത് സ്ഥിരം തടയണ നിർമ്മാണത്തിന് ഭരണാനുമതിയായി : മന്ത്രി ഡോ ആർ ബിന്ദു
ഇരിങ്ങാലക്കുട : കോന്തിപുലം പാടത്ത് സ്ഥിരം തടയണയെന്ന ദീർഘകാലത്തെ കർഷക സ്വപ്നം യാഥാർത്ഥ്യമാവുകയാണെന്ന് മന്ത്രി ഡോ ആർ ബിന്ദു പറഞ്ഞു.
പദ്ധതിക്കായി 12.21 കോടി രൂപയുടെ ഭരണാനുമതി ലഭിച്ചതായി മന്ത്രി അറിയിച്ചു.
പദ്ധതി യാഥാർത്ഥ്യമാകുന്നതോടെ മുരിയാട് കായലിലെ വെള്ളത്തിന്റെ ഒഴുക്ക് കൃഷിക്ക് അനുയോജ്യമായ രീതിയിൽ ക്രമീകരിക്കാനാകും.
മുരിയാട്, പൊറത്തിശ്ശേരി, പറപ്പൂക്കര മേഖലകളിലെ കർഷകർക്ക് പദ്ധതി ഗുണം ചെയ്യും.
കോന്തിപുലം പാടത്ത് സ്ഥിരം തടയണ സ്ഥാപിക്കാൻ സംസ്ഥാന സർക്കാർ 12.21 കോടി രൂപ 2023- 24 വർഷത്തെ ബജറ്റിൽ വകയിരുത്തിയിരുന്നു.
തുടർന്ന് വിശദമായ പദ്ധതി രേഖ സമർപ്പിച്ച് നടപടിക്രമങ്ങൾ ധൃതഗതിയിൽ പൂർത്തീകരിച്ചാണ് പദ്ധതിക്ക് ഏറ്റവും വേഗത്തിൽ ഭരണാനുമതി ലഭ്യമാക്കിയത് എന്ന് മന്ത്രി പറഞ്ഞു.
സാങ്കേതിക അനുമതിക്കാവശ്യമായ നടപടികളും ടെൻഡർ നടപടികളും പൂർത്തിയാക്കി നിർമ്മാണം ഉടൻ ആരംഭിക്കുമെന്നും മന്ത്രി ഡോ ആർ ബിന്ദു അറിയിച്ചു.
എം സി ജോസ് അനുസ്മരണ സൗഹൃദ ഫുട്ബോൾ മത്സരം
ഇരിങ്ങാലക്കുട : സെന്റ് മേരീസ് ഹയർ സെക്കന്ററി സ്കൂൾ പി ടി എ വൈസ് പ്രസിഡന്റ് സി.ജെ ഷാജുവിന്റെ പിതാവ് എം സി ജോസ് അനുസ്മരണാർത്ഥം കോലോത്തുംപടി ടർഫ് ഗ്രൗണ്ടിൽ നടത്തിയ സൗഹൃദ ഫുട്ബോൾ മത്സരം മാനേജർ റവ ഫാ പ്രൊഫ ഡോ ലാസർ കുറ്റിക്കാടൻ ഉദ്ഘാടനം ചെയ്തു.
പി ടി എ പ്രസിഡന്റ് ബൈജു കുവ്വപ്പറമ്പിൽ അധ്യക്ഷത വഹിച്ചു.
കായിക അധ്യാപകനായ അരുൺ മത്സരം നിയന്ത്രിച്ചു.
എം എ ജിഫിൻ, ഇ കെ ഷിഹാബ് എന്നിവർ ആശംസകൾ അർപ്പിച്ചു.
പ്രിൻസിപ്പൽ പി ആൻസൻ ഡൊമിനിക് സ്വാഗതവും ജിൻസൺ ജോർജ് നന്ദിയും പറഞ്ഞു.
വർണ്ണക്കുടയ്ക്ക് കേളികൊട്ടുയർത്തി വാക്കത്തോൺ
ഇരിങ്ങാലക്കുട : ഇരിങ്ങാലക്കുടയുടെ സാംസ്കാരികോത്സവമായ വർണ്ണക്കുടയ്ക്ക് കേളി കൊട്ടുയർത്തി മന്ത്രി ഡോ ആർ ബിന്ദു വാക്കത്തോൺ ഫ്ലാഗ് ഓഫ് ചെയ്തു.
നഗരസഭ ചെയർപേഴ്സൺ മേരിക്കുട്ടി ജോയ് ആശംസകൾ നേർന്നു.
മുനിസിപ്പൽ മൈതാനിയിൽ നിന്നും ആരംഭിച്ച വാക്കത്തോണിൽ പ്രോഗ്രാം ജനറൽ കൺവീനറും മുരിയാട് പഞ്ചായത്ത് പ്രസിഡൻ്റുമായ ജോസ് ജെ ചിറ്റിലപ്പിള്ളി, വെള്ളാങ്ങല്ലൂർ ബ്ലോക്ക് പഞ്ചായത്ത് പ്രസിഡൻ്റ് സുധ ദിലീപ്, പഞ്ചായത്ത് പ്രസിഡൻ്റുമാരായ കെ ആർ ജോജോ, കെ എസ് തമ്പി, ലിജി രതീഷ്, ജില്ല പഞ്ചായത്തംഗം ഷീല അജയഘോഷ്, ഇരിങ്ങാലക്കുട മുനിസിപ്പൽ സ്റ്റാൻഡിംഗ് കമ്മിറ്റി ചെയർമാൻമാരായ ജെയ്സൺ പാറേക്കാടൻ, ഫെനി എബിൻ, ആളൂർ പഞ്ചായത്ത് വൈസ് പ്രസിഡന്റ് രതി സുരേഷ്, തഹസിൽദാർ സിമീഷ് സാഹു, ക്രൈസ്റ്റ് കോളെജ് മാനേജർ ജോയ് പണിക്കപ്പറമ്പിൽ, വർണ്ണക്കുട പ്രോഗ്രാം കോർഡിനേറ്റർമാരായ ടെൽസൺ കോട്ടോളി, ഷെറിൻ അഹമ്മദ്, അഡ്വ അജയകുമാർ, പി ആർ സ്റ്റാൻലി, എ സി സുരേഷ്, ദീപ ആൻ്റണി, ശ്രീജിത്ത് കാറളം ഉൾപ്പെടെ നൂറ് കണക്കിന് പേർ പങ്കെടുത്തു.
ഓട്ടിസം സെൻ്ററിലെ ക്രിസ്തുമസ് ആഘോഷം
ഇരിങ്ങാലക്കുട : സമഗ്ര ശിക്ഷ കേരളം ഇരിങ്ങാലക്കുട ബിആർസി യിലെ ഓട്ടിസം സെൻറർ ക്രിസ്മസ് ആഘോഷിച്ചു.
മുനിസിപ്പൽ വൈസ് ചെയർമാൻ ബൈജു കുറ്റിക്കാടൻ ഉദ്ഘാടനം ചെയ്തു.
ബിപിസി കെ ആർ സത്യപാലൻ സ്വാഗതം പറഞ്ഞു.
വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ അഡ്വ ജിഷ ജോബി അധ്യക്ഷത വഹിച്ചു.
കുട്ടികളും രക്ഷിതാക്കളും കേക്കുമുറിച്ചും സമ്മാനങ്ങൾ കൈമാറിയും ക്രിസ്തുമസ് ആഘോഷിച്ചു.
സ്പെഷ്യൽ എഡ്യൂക്കേറ്റർ മാരായ ആതിര രവീന്ദ്രൻ, നിഷ പോൾ എന്നിവർ നേതൃത്വം നൽകി.
