IRINJALAKUDA TIMES
ഫുട്ബോളിനെ ജീവന് തുല്യം സ്നേഹിക്കുകയും കടുത്ത മെസ്സി ആരാധകനുമായ ഹമൗദി എന്ന ബാലന് ബാഗ്ദാദിൽ നടന്ന തീവ്രവാദി ആക്രമണത്തിൽ കാൽ നഷ്ടപ്പെടുന്നു. ഒറ്റക്കാൽ വെച്ചു കൊണ്ടുള്ള ഹമൗദിയുടെ അതിജീവനത്തിൻ്റെ കഥയാണ് 88 മിനിറ്റ് ദൈർഘ്യമുള്ള ചിത്രം പറയുന്നത്.
പ്രദർശനം ക്രൈസ്റ്റ് കോളേജ് ജംഗ്ഷനിലെ
“ഓർമ്മ ഹാളി”ൽ വൈകീട്ട് 6 മണിക്ക്….
കെ വി ബാബു (ബാബു മാസ്റ്റർ)
ഇരിങ്ങാലക്കുട : ഗിന്നസ് റെക്കോർഡ്, ലിംക ബുക്ക് ഓഫ് റെക്കോർഡ് എന്നിവ കരസ്ഥമാക്കിയിട്ടുള്ള, യൂണിവേഴ്സൽ റെക്കോർഡ് ഫോറം ജൂറി കൂടിയായ കരാട്ടെ മാസ്റ്റർ കെ വി ബാബു (ബാബു മാസ്റ്റർ – 60) നിര്യാതനായി.
ഇരിങ്ങാലക്കുട സ്വദേശിയായ ബാബു ഇപ്പോൾ എറണാകുളം തൃപ്പൂണിത്തുറ കരിമുകളിലാണ് താമസം. സംസ്കാര ചടങ്ങുകൾ ഇന്ന് ഉച്ചതിരിഞ്ഞ് തൃപ്പൂണിത്തുറ കരിമുകൾ പിച്ചിങ്ങച്ചിറ വസതിയിൽ.
ഭാര്യ : വിജയശ്രീ
മക്കൾ : ശരത് ബാബു, ശരൺ ബാബു
മരുമക്കൾ : അനുമോൾ,സേതു
ചേർപ്പ് : കൊടുങ്ങല്ലൂർ – കൂർക്കഞ്ചേരി റോഡ്
കോൺക്രീറ്റ് ചെയ്യുന്നതിൻ്റെ ഭാഗമായി നാളെ (ശനിയാഴ്ച്ച) മുതൽ ഗതാഗത നിയന്ത്രണത്തിൽ മാറ്റം വരുമെന്ന് അധികൃതർ അറിയിച്ചു.
തൃശൂരിൽനിന്ന് ഇരിങ്ങാലക്കുട ഭാഗത്തേക്ക് പോകുന്ന വാഹനങ്ങൾ ഊരകം സെന്ററിൽ നിന്ന് ഇടത്തോട്ടു തിരിഞ്ഞ് കടലാശ്ശേരി, പാഴായി, ചെറുവാൾ, തൊട്ടിപ്പാൾ, നെടുമ്പാൾ, മാപ്രാണം
വഴി പോകണം.
ഇരിങ്ങാലക്കുടയിൽ നിന്ന് തൃശൂർ ഭാഗത്തേക്കുള്ള വാഹനങ്ങൾക്ക് നിയന്ത്രണമില്ല. മെയിൻ റോഡു വഴി പോകാം.
ഇരിങ്ങാലക്കുട : നഗരസഭയുടെ വയോജന ക്ഷേമ പ്രവർത്തനം ശരിയായ ദിശയിലാണെന്ന് കാണിക്കുന്നതാണ് ഈ വയോജന സംഗമം എന്ന് മുകുന്ദപുരം തഹസിൽദാർ സിമീഷ് സാഹു പറഞ്ഞു.
“കാർഷിക സമൃദ്ധിയിലേക്ക് നാടിനൊപ്പം” എന്ന ആപ്തവാക്യവുമായി നഗരസഭ നടത്തുന്ന ഞാറ്റുവേല മഹോത്സവത്തിൽ സംഘടിപ്പിച്ച വയോജന സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
നഗരസഭ ചെയർപേഴ്സൺ മേരിക്കുട്ടി ജോയ് അധ്യക്ഷത വഹിച്ചു.
സിനിമാതാരം കലാഭവൻ ജോഷി മുഖ്യാതിഥിയായിരുന്നു.
സ്റ്റാൻഡിങ് കമ്മിറ്റി ചെയർമാൻമാരായ സി.സി. ഷിബിൻ, അംബിക പള്ളിപ്പുറത്ത്, കൗൺസിലർമാരായ എം.ആർ. ഷാജു, സിജു യോഹന്നാൻ എന്നിവർ ആശംസകൾ നേർന്നു.
നഗരസഭ വൈസ് ചെയർമാൻ ബൈജു കുറ്റിക്കാടൻ, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഫെനി എബിൻ വെള്ളാനിക്കാരൻ, പൊതുമരാമത്ത്കാര്യ സ്റ്റാൻഡിങ് കമ്മിറ്റി ചെയർമാൻ ജെയ്സൺ പാറേക്കാടൻ, നഗരസഭ സെക്രട്ടറി എം.എച്ച്. ഷാജിക്, കോർഡിനേറ്റർ പി.ആർ. സ്റ്റാൻലി, നഗരസഭ എഞ്ചിനീയർ ആർ. സന്തോഷ് കുമാർ എന്നിവർ സന്നിഹിതരായിരുന്നു.
വിദ്യാഭ്യാസകാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ അഡ്വ. ജിഷ ജോബി സ്വാഗതവും ഞാറ്റുവേല ഫിനാൻസ് കമ്മിറ്റി അക്കൗണ്ട്സ് ഇൻ ചാർജ് എൻ.എച്ച്. നജ്മ നന്ദിയും പറഞ്ഞു.
തുടർന്ന് സംഗമസാഹിതിയുടെ പരിസ്ഥിതി സെമിനാറിൽ “ആഗോള താപനവും പ്ലാസ്റ്റിക്കിൻ്റെ അമിത ഉപയോഗവും” എന്ന വിഷയത്തിൽ സെമിനാർ അവതരിപ്പിച്ചു.
കാർഷിക സെമിനാറിൽ “സ്മാർട്ട് കൃഷിയിലെ നൂതന സാങ്കേതിക വിദ്യകൾ” എന്ന വിഷയത്തിൽ ഡോ. പി.ജി. സുജിത് വിഷയാവതരണം നടത്തി.
തുടർന്ന് നഗരസഭ കൗൺസിലർമാരുടെയും ജീവനക്കാരുടെയും കൂട്ടായ്മ നടത്തിയ കലാപരിപാടികളുടെ ഉദ്ഘാടനം അഡീഷണൽ സൂപ്രണ്ട് ഓഫ് പൊലീസ് റൂറൽ ടി.എസ്. സിനോജ് നിർവ്വഹിച്ചു.
തുടർന്ന് കലാപരിപാടികളും ബിഗ് സ്റ്റാർ ഡൈനാമിക് വോയ്സ് അവതരിപ്പിച്ച ഗാനമേളയും അരങ്ങേറി.
രാധ
മറ്റത്തൂർ : കുഴിക്കാണി കീഴ്ത്തോട്ടത്തിൽ പരേതനായ കൃഷ്ണൻകുട്ടി നായർ മകൾ
രാധ (64) നിര്യാതയായി.
സംസ്കാരം വെള്ളിയാഴ്ച (ജൂലായ് 4) ഉച്ചക്ക്
12 മണിക്ക് വീട്ടുവളപ്പിൽ.
അമ്മ : തങ്കമ്മ
സഹോദരങ്ങൾ : വസന്ത, സന്തോഷ്
ഇരിങ്ങാലക്കുട : കാർ തട്ടിയത് ചോദ്യം ചെയ്തതിൻ്റെ വൈരാഗ്യത്തിൽ കാർ യാത്രക്കാരനെ ആക്രമിച്ച ആളൂർ പൊലീസ് സ്റ്റേഷൻ റൗഡി അറസ്റ്റിൽ.
മുരിയാട് ഉള്ളാട്ടിക്കുളം വീട്ടിൽ മിൽജോയെ(29) ആണ് ഇരിങ്ങാലക്കുട പൊലീസ് അറസ്റ്റ് ചെയ്തത്.
ഇരിങ്ങാലക്കുട പൊലീസ് സ്റ്റേഷൻ പരിധിയിൽ കോണത്തുകുന്നിൽ വെച്ച് ബുധനാഴ്ച രാത്രി 8.30 ഓടെയാണ് കേസിനാസ്പദമായ സംഭവം നടന്നത്.
പുത്തൻചിറ സ്വദേശി കൊട്ടിക്കൽ വീട്ടിൽ മുഹമ്മദ് സിദ്ദിഖിന്റെ ബന്ധുവിൻ്റെ കാറിൽ മിൽജോയുടെ കാർ തട്ടിയത് ചോദ്യം ചെയ്തതിലുള്ള വിരോധത്താൽ സിദ്ദിഖിനേയും കൂട്ടുകാരെയും ഭീഷണിപ്പെടുത്തി കൈകൊണ്ടിടിച്ച് ഗുരുതരമായി പരിക്കേൽപ്പിക്കുകയായിരുന്നു.
മിൽജോക്കെതിരെ മയക്കു മരുന്ന് വിൽപ്പന നടത്തിയതിന് തൃശ്ശൂർ മെഡിക്കൽ കോളെജ് സ്റ്റേഷനിലും ആളൂർ സ്റ്റേഷനിലും ഇരിങ്ങാലക്കുട സ്റ്റേഷനിലും കേസുകളുണ്ട്.
കൂടാതെ ആളൂർ സ്റ്റേഷനിൽ ഒരു വധശ്രമ കേസിലും അടിപിടി കേസിലും അടക്കം 11 ക്രിമിനൽ കേസുകളിലെ പ്രതിയാണ്.
ഇരിങ്ങാലക്കുട പൊലീസ് സ്റ്റേഷൻ ഇൻസ്പെക്ടർ എം.എസ്. ഷാജൻ, സബ് ഇൻസ്പെക്ടർമാരായ സഹദ്, കെ.പി. രാജു സീനിയർ സിവിൽ പൊലീസ് ഓഫീസർ കമൽകൃഷ്ണ എന്നിവർ ചേർന്നാണ് പ്രതിയെ അറസ്റ്റ് ചെയ്തത്.
ഇരിങ്ങാലക്കുട : ഓൺലൈൻ ഷെയർ ട്രേഡിങ്ങിൽ ലാഭം നേടാമെന്ന് വിശ്വസിപ്പിച്ച് ഇരിങ്ങാലക്കുട കിഴുത്താണി സ്വദേശിയിൽ നിന്ന് 1,34,50,000 രൂപ തട്ടിയ കേസ്സിൽ ഏജൻ്റായി പ്രവർത്തിച്ച കൊടുങ്ങല്ലൂർ അഴീക്കോട് ജെട്ടി സ്വദേശി അമ്പലത്ത് വീട്ടിൽ അലിയെ (59) ഇരിങ്ങാലക്കുട സൈബർ പൊലീസ് അറസ്റ്റ് ചെയ്തു.
ഇക്കണോമിക്സ് ടൈംസ് പത്രത്തിലെ ഷെയർ ട്രേഡിംഗ് പരസ്യം കണ്ട് ആകൃഷ്ടനായ പരാതിക്കാരനെ ഷെയർ ട്രേഡിങ്ങിനായി ബി വൺ ഗോൾഡ് സ്റ്റോക്ക് ഇൻവെസ്റ്റർ ഡിസ്കഷൻ ഗ്രൂപ്പ് എന്ന വാട്ട്സ് ആപ്പ് ഗ്രൂപ്പിൽ ജോയിൻ ചെയ്യിപ്പിച്ച് ഷെയർ ട്രേഡിംഗ് നടത്തുന്നതിനുള്ള https://www.fyers-privilage.com എന്ന ലിങ്കും ട്രേഡിംഗ് നടത്തുന്നതിനുള്ള നിർദ്ദേശങ്ങളും ഗ്രൂപ്പ് അഡ്മിൻമാർ പല ദിവസങ്ങളിലായി അയച്ചു കൊടുത്തിരുന്നു.
അതു പ്രകാരം 2024 സെപ്തംബർ 22 മുതൽ 2024 ഒക്ടോബർ 31 വരെയുള്ള കാലയളവുകളിലായി തൃശൂർ, ഇരിങ്ങാലക്കുട എന്നിവിടങ്ങളിലുള്ള ബാങ്കുകളിൽ നിന്ന് പല തവണകളായി പരാതിക്കാരൻ പണം പ്രതികളുടെ ബാങ്ക് അക്കൗണ്ടുകളിലേക്ക് അയച്ച് നൽകുകയായിരുന്നു.
പരാതിക്കാരന്റെ അക്കൗണ്ടിൽ നിന്നും പ്രതികളുടെ പാൽ ട്രേഡേഴ്സ് എന്ന സ്ഥാപനത്തിൻ്റെ അക്കൗണ്ടിലേക്ക് 26 ലക്ഷം രൂപ ട്രാൻസ്ഫർ ചെയ്ത് കൊടുത്തതിൽ 8,80,000 രൂപ പ്രതിയുടെ അക്കൗണ്ടിലേക്ക് ക്രെഡിറ്റായതുൾപ്പെടെ 9 ലക്ഷം രൂപ ചെക്ക് ഉപയോഗിച്ച് പിൻവലിച്ച് അതിൻ്റെ കമ്മീഷൻ കൈപ്പറ്റി 9 ലക്ഷം രൂപ തട്ടിപ്പുസംഘത്തിന് കൈമാറി ഏജൻ്റായി പ്രവർത്തിച്ചതിനാണ് അലിയുടെ അറസ്റ്റ് രേഖപ്പെടുത്തിയത്.
റൂറൽ ജില്ലാ പൊലീസ് മേധാവി ബി. കൃഷ്ണകുമാറിന്റെ നിർദ്ദേശപ്രകാരം സൈബർ എസ്എച്ച്ഒ എം.എസ്. ഷാജൻ, സബ്ബ് ഇൻസ്പെക്ടർമാരായ രമ്യ കാർത്തികേയൻ, സുജിത്ത്, ജസ്റ്റിൻ വർഗ്ഗീസ്, ടെലി കമ്മ്യൂണിക്കേഷൻ സിവിൽ പൊലീസ് ഓഫീസർ ശ്രീനാഥ്, ഡ്രൈവർ സിപിഒ അനന്തു എന്നിവരാണ് അന്വേഷണസംഘത്തിൽ ഉണ്ടായിരുന്നത്.
ഇരിങ്ങാലക്കുട : അടിയന്തിരാവസ്ഥയ്ക്ക് അമ്പതാണ്ട് പൂർത്തിയാകുന്ന സാഹചര്യത്തിൽ കുഴിക്കാട്ടുശ്ശേരി ഗ്രാമിക ചർച്ചാവേദി ജൂലായ് 5ന് 4 മണിക്ക് പ്രത്യേക പരിപാടി സംഘടിപ്പിക്കും.
മുൻ നക്സലൈറ്റ് പ്രവർത്തകനും ഗ്രാമികയുടെ പ്രസിഡൻ്റുമായ പി.കെ. കിട്ടൻ അടിയന്തിരാവസ്ഥയിൽ 17 മാസക്കാലത്തെ ജയിൽവാസത്തിൻ്റെയും ഒരു മാസത്തിലേറെ നീണ്ട തൃശൂരിലെ കോൺസൻട്രേഷൻ ക്യാമ്പിലെയും അനുഭവങ്ങൾ പങ്കുവക്കും.
അടിയന്തിരാവസ്ഥ തടവുകാരനും സിപിഐ (എം.എൽ) റെഡ് ഫ്ലാഗ് സംസ്ഥാന സെക്രട്ടറിയുമായ പി.സി. ഉണ്ണിച്ചെക്കൻ അധ്യക്ഷത വഹിക്കും.
ഇരിങ്ങാലക്കുട : അവിട്ടത്തൂർ എൽ.ബി.എസ്.എം. ഹയർ സെക്കൻഡറി സ്കൂളിലെ ഹയർ സെക്കൻഡറി വിഭാഗം മെറിറ്റ് ഡേ മുൻ വിദ്യാഭ്യാസ വകുപ്പ് മന്ത്രി സി. രവീന്ദ്രനാഥ് ഉദ്ഘാടനം ചെയ്തു.
വേളൂക്കര പഞ്ചായത്ത് പ്രസിഡൻ്റ് കെ.എസ്. ധനീഷ് അധ്യക്ഷത വഹിച്ചു.
ഫാ. റിനിൽ മുഖ്യപ്രഭാഷണം നടത്തി.
യോഗത്തിൽ ഡോക്ടറേറ്റ് നേടിയ ഹയർ സെക്കൻഡറി വിഭാഗം സംസ്കൃതം അധ്യാപകൻ വി.ആർ. ദിനേശ് വാര്യരെ ആദരിച്ചു.
പ്ലസ്ടു പരീക്ഷയിൽ ഉന്നത വിജയം കരസ്ഥമാക്കിയ വിദ്യാർഥികൾക്ക് ഉപഹാരവും ക്യാഷ് അവാർഡും നൽകി.
വാർഡ് മെമ്പർ ലീന ഉണ്ണികൃഷ്ണൻ, പ്രിൻസിപ്പൽ ഡോ. എ.വി. രാജേഷ്, ഹെഡ്മാസ്റ്റർ മെജോ പോൾ, മാനേജർ എ. അജിത്ത് കുമാർ, പി.ടി.എ. പ്രസിഡൻ്റ് മിനി രാമചന്ദ്രൻ, കെ.കെ. കൃഷ്ണൻ നമ്പൂതിരി, എ.സി. സുരേഷ്, പി.ജി. ഉല്ലാസ്, കെ.ജെ. സുമിത, എ.എം. കീർത്തന എന്നിവർ പ്രസംഗിച്ചു.
ബ്രിജിറ്റ്
ഇരിങ്ങാലക്കുട : പുല്ലൂർ മാടശ്ശേരിയിൽ ജോൺ ഭാര്യ ബ്രിജിറ്റ് (85) നിര്യാതയായി.
സംസ്കാരം നടത്തി.
മക്കൾ : ഷേർളി, റീന
മരുമക്കൾ : സാജൻ, ക്രിസ്റ്റി
