ഇരിങ്ങാലക്കുട : കല്ലേറ്റുംകരയിലുള്ള ഇരിങ്ങാലക്കുട റെയിൽവേ സ്റ്റേഷനിലെ രണ്ടാം പ്ലാറ്റ്ഫോമിൽ ഒരു ടീ സ്റ്റാൾ വേണമെന്നത് യാത്രക്കാരുടെ ഏറെക്കാലത്തെ ആവശ്യമായിരുന്നു.
ദ്രുതഗതിയിൽ വികസന പ്രവർത്തനങ്ങൾ നടന്നു കൊണ്ടിരിക്കുന്ന ഇരിങ്ങാലക്കുട റെയിൽവേ സ്റ്റേഷനിലെ രണ്ടാമത്തെ പ്ലാറ്റ്ഫോമിൽ ടീ സ്റ്റാൾ എന്ന സ്വപ്നവും ഇതോടെ യാഥാർത്ഥ്യമാവുകയാണ്. ടീ സ്റ്റാളിന്റെ പ്രവർത്തനം ഫെബ്രുവരി ആദ്യവാരം ആരംഭിക്കും.
ടെൻഡർ നടപടികൾ പൂർത്തിയാക്കി ടീ സ്റ്റാളിനുള്ള കരാർ നൽകി കഴിഞ്ഞു. 57,500 രൂപയ്ക്കാണ് ഒരു വർഷത്തെ കരാർ നൽകിയിരിക്കുന്നത്.
വർഷങ്ങളായുള്ള യാത്രക്കാരുടെയും പാസഞ്ചേഴ്സ് അസോസിയേഷന്റെയും ആവശ്യമാണ് ഇതോടെ യാഥാർത്ഥ്യമായത്.
കഴിഞ്ഞ തവണ കേന്ദ്രമന്ത്രി സുരേഷ് ഗോപി റെയിൽവേ സ്റ്റേഷൻ സന്ദർശിച്ചപ്പോൾ പാസഞ്ചേഴ്സ് അസോസിയേഷൻ ഇക്കാര്യവും സൂചിപ്പിച്ചിരുന്നു.
റെയിൽവേ സ്റ്റേഷനിലെ മറ്റു വികസന പ്രവർത്തനങ്ങളും കാര്യമായി മുന്നോട്ടു പോയിക്കൊണ്ടിരിക്കുകയാണ്. കഴിഞ്ഞ ദിവസം നിർമ്മാണത്തിലിരിക്കുന്ന ഇരിങ്ങാലക്കുടയിലെ കോടതി സമുച്ചയം സന്ദർശിക്കാൻ എത്തിയ കേന്ദ്രമന്ത്രി സുരേഷ് ഗോപി ഇരിങ്ങാലക്കുട റെയിൽവേ സ്റ്റേഷനെ മാന്യതയുള്ള റെയിൽവേ സ്റ്റേഷനാക്കി മാറ്റുമെന്ന് പ്രഖ്യാപിച്ചിരുന്നു.
Leave a Reply