ഇരിങ്ങാലക്കുട : നാദോപാസനയും അമേരിക്കയിലെ ഷാർലറ്റ് ആസ്ഥാനമായി പ്രവർത്തിക്കുന്ന സ്വാതിതിരുനാൾ സംഗീതസഭയും സംയുക്തമായി സംഘടിപ്പിക്കുന്ന അഖിലേന്ത്യാ സ്വാതിതിരുനാൾ കർണാടക സംഗീത മത്സരത്തിൽ പങ്കെടുക്കാൻ ഓൺലൈൻ അപേക്ഷ സമർപ്പിക്കാനുള്ള അവസാന തിയ്യതി ജനുവരി 23ന് വൈകീട്ട് 5 മണി വരെ നീട്ടി. മുൻപ് ജനുവരി 20 ആയിരുന്നു അവസാന തിയ്യതി.
ചില ക്രമീകരണങ്ങൾ പൂർത്തിയാക്കുന്നതിനും അപേക്ഷകരുടെ അഭ്യർത്ഥനകൾ പരിഗണിച്ചുമാണ് തിയ്യതി നീട്ടിയതെന്ന് നാദോപാസന ഭാരവാഹികൾ അറിയിച്ചു. മത്സരത്തിനായുള്ള പ്രാഥമിക ഓൺലൈൻ തിരഞ്ഞെടുപ്പ് മുൻകൂട്ടി നിശ്ചയിച്ച പ്രകാരം ജനുവരി 25, 26 തിയ്യതികളിൽ നടക്കും.
മത്സരവുമായി ബന്ധപ്പെട്ട വിശദാംശങ്ങളും ഓൺലൈൻ അപേക്ഷയും താഴെക്കാണുന്ന ലിങ്കിൽ നിന്നും ലഭ്യമാകും:
https://www.nadopasana.co.in/MusicCompetition/
കൂടുതൽ വിവരങ്ങൾക്ക് 9447350780 (പി. നന്ദകുമാർ), 9995748722 (ജിഷ്ണു സനത്ത്), 8075276875 (സുചിത്ര വിനയൻ) എന്നീ നമ്പറുകളിൽ ബന്ധപ്പെടാവുന്നതാണ്.
Leave a Reply