ഇരിങ്ങാലക്കുട : വാർഡിലെ പ്രാഥമികാരോഗ്യ കേന്ദ്രത്തിലേക്ക് രോഗികൾക്ക് പ്രയോജനപ്പെടുന്ന കട്ടിലും കിടക്കയും കൈമാറി കാറളം പഞ്ചായത്ത് മെമ്പർ കെ.ബി. ഷമീർ.
തിരഞ്ഞെടുപ്പിലെ വിജയാഹ്ലാദ പ്രകടന ചിലവിലേക്കായി പ്രവാസി സംഭാവന നൽകിയ തുക ഉപയോഗിച്ചാണ് കാറളം പഞ്ചായത്ത് മെമ്പർ കെ.ബി. ഷമീർ തൻ്റെ വാർഡിലെ പ്രാഥമികാരോഗ്യ കേന്ദ്രത്തിലേക്ക് കട്ടിലും കിടക്കയും നൽകി മാതൃകയായത്.
പ്രാഥമികാരോഗ്യ കേന്ദ്രത്തിലെ ദീർഘകാലമായുള്ള ആവശ്യമാണ് നടപ്പായതെന്ന് മെഡിക്കൽ ഓഫീസർ തനൂജ പറഞ്ഞു.
ആശുപത്രി ജീവനക്കാരായ സുജിത, കീർത്തന, ആശ വർക്കർ സ്മിത, മൂന്നാം വാർഡ് മെമ്പർ പ്രീത ടീച്ചർ, കോൺഗ്രസ്സ് പ്രവർത്തകരായ കെ.സി. ആൻ്റണി, പ്രേമദാസൻ, വിൽസൺ കുരുതുകുളങ്ങര, ഉണ്ണികൃഷ്ണൻ എന്നിവർ പങ്കെടുത്തു.
Leave a Reply