ഇരിങ്ങാലക്കുട : സേവാഭാരതി വിദ്യാഭ്യാസ ആയാമിൻ്റെ നേതൃത്വത്തിൽ കൗമാരപ്രായത്തിലുള്ള പെൺകുട്ടികൾക്കു വേണ്ടി കിഷോരി വികാസ് പഠനശിബിരം സംഘടിപ്പിച്ചു.
ഇരിങ്ങാലക്കുട സേവാഭാരതി സംഗമേശ്വര വാനപ്രസ്ഥാശ്രമത്തിൽ വച്ചു നടന്ന ചടങ്ങിൽ സേവാഭാരതി പ്രസിഡൻ്റ് നളിൻ ബാബു അധ്യക്ഷത വഹിച്ചു.
കൗൺസിലർ ആര്യ സുമേഷ് ശിബിരം ഉദ്ഘാടനം ചെയ്തു.
പ്രശസ്ത ഗൈനക്കോളജിസ്റ്റും റിട്ട. സിവിൽ സർജനുമായ
ഡോ. പത്മ വാര്യർ കുട്ടികൾക്ക് ക്ലാസ്സ് എടുത്തു.
ഇരിങ്ങാലക്കുട നഗരസഭയുടെ വിവിധ ഭാഗങ്ങളിൽ നിന്നായി 13നും 23നും വയസ്സിനിടയിലുള്ള അമ്പതിൽപരം കുട്ടികളാണ് ക്ലാസ്സിൽ പങ്കെടുത്തത്.
സേവാഭാരതി എക്സിക്യൂട്ടീവ് സമിതി അംഗമായ രാജിലക്ഷ്മി സുരേഷ്ബാബു സ്വാഗതവും ട്രഷറർ ഐ രവീന്ദ്രൻ നന്ദിയും പറഞ്ഞു.
സേവാഭാരതി വൈസ് പ്രസിഡൻ്റ് പ്രകാശൻ കൈമാപ്പറമ്പിൽ, വിദ്യാഭ്യാസ ആയാമിൻ്റെ കൺവീനർ ശ്രീകല കൃഷ്ണകുമാർ, എക്സിക്യൂട്ടീവ് സമിതി അംഗങ്ങളായ പി. മോഹനൻ, ജഗദീശ് പണിക്കവീട്ടിൽ, ഒ.എൻ. സുരേഷ്, മെഡിസെൽ പ്രസിഡൻ്റ് മിനി സുരേഷ്, ടിൻ്റു സുഭാഷ്, റിട്ട. ഗൈനക്കോളജിസ്റ്റ് ഡോ. ഷീല, കൗൺസിലർ സ്മിത കൃഷ്ണകുമാർ എന്നിവർ സന്നിഹിതരായിരുന്നു.
Leave a Reply