ഇരിങ്ങാലക്കുട : ലോകത്തിലെ ഏറ്റവും വലിയ ക്യാമ്പസ് അധിഷ്ഠിത മെൻസ്ട്രൽ കപ്പ് വിതരണ പരിപാടി ഇരിങ്ങാലക്കുട ക്രൈസ്റ്റ് കോളെജിൽ സംഘടിപ്പിച്ചു.
പരിപാടിയിൽ വിദ്യാർഥികൾക്കും അധ്യാപകർക്കും അനധ്യാപകർക്കുമായി 2500 സൗജന്യ മെൻസ്ട്രൽ കപ്പുകളാണ് വിതരണം ചെയ്തത്.
എ.എച്ച്.സെഡ്.നെയും ഫെമിസേഫിനെയും കോർത്തിണക്കിക്കൊണ്ട് “റിത്വ” ക്രൈസ്റ്റ് കോളെജ് യൂണിയനാണ് ഏഷ്യൻ റെക്കോർഡിൽ ഇടം നേടുന്ന ഈ പരിപാടിക്ക് നേതൃത്വം നൽകിയത്.
സ്ത്രീശുചിത്വ ബോധവൽക്കരണവും പരിസ്ഥിതി സൗഹൃദ ആരോഗ്യപരമായ മാർഗങ്ങളുടെ പ്രചാരണവുമാണ് പരിപാടിയുടെ ലക്ഷ്യം.
മന്ത്രി ഡോ. ആർ. ബിന്ദു കോളെജ് യൂണിയൻ ചെയർപേഴ്സൺ ഫാത്തിമയ്ക്ക് ആദ്യത്തെ മെൻസ്ട്രൽ കപ്പ് നൽകി ഉദ്ഘാടനം ചെയ്തു.
കോളെജ് പ്രിൻസിപ്പൽ ഫാ. ഡോ. ജോളി ആൻഡ്രൂസ് അധ്യക്ഷത വഹിച്ചു.
കോളെജ് മാനേജർ ഫാ. ജോയ് പീണിക്കപറമ്പിൽ, വൈസ് പ്രിൻസിപ്പൽ ഡോ. കെ.ജെ. വർഗ്ഗീസ്, വിമെൻ സെൽ കോർഡിനേറ്റർ ഡോ. ശ്രീവിദ്യ എന്നിവർ ആശംസകൾ അർപ്പിച്ചു.
സെമിസേഫിന്റെ കോ- ഫൗണ്ടർ നൂറിൻ ആയിഷ, എ.എച്ച്.സെഡ്. റീജണൽ ഡയറക്ടർ മുഹമ്മദ് റംസി, ബിഗ്ബോസ് താരം അനീഷ് എന്നിവർ പങ്കെടുത്തു.
Leave a Reply