ഇരിങ്ങാലക്കുട : 15 മുതൽ 20 വരെ ഇരിങ്ങാലക്കുട കൂടൽമാണിക്യം ക്ഷേത്രം കിഴക്കേ ഗോപുരനടയിൽ അരങ്ങേറുന്ന 16-ാമത് ദേശീയ പല്ലാവൂർ താളവാദ്യ മഹോത്സവത്തിന് തിരിതെളിഞ്ഞു.
പത്മശ്രീ പെരുവനം കുട്ടൻമാരാർ ഉദ്ഘാടനം ചെയ്തു.
കൂടൽമാണിക്യം ദേവസ്വം ചെയർമാൻ അഡ്വ. സി.കെ. ഗോപി അധ്യക്ഷത വഹിച്ചു.
ചടങ്ങിൽ ഹിന്ദി തെന്നിന്ത്യൻ മലയാളചലച്ചിത്രങ്ങളിൽ ഒരു കാലയളവിലെ താരപ്രഭയും അനുഗ്രഹീത ഭരതനാട്യ നർത്തകിയുമായിരുന്ന പത്മിനി രാമചന്ദ്രന്റെ സ്മരണാർത്ഥം അവരുടെ മകൻ പ്രേം രാമചന്ദ്രൻ ഏർപ്പെടുത്തിയ പത്മജ്യോതി പുരസ്കാരങ്ങളുടെ സമർപ്പണവും നടന്നു.
പുരസ്കാരങ്ങൾ പത്മശ്രീ പെരുവനം കുട്ടൻമാരാർ ചിത്ര വിശ്വേശ്വരനും കെ.എസ്. ബാലകൃഷ്ണനും സമർപ്പിച്ചു.
കേരള കലാമണ്ഡലം കല്പിത സർവകലാശാല മുൻ ഡെപ്യൂട്ടി രജിസ്ട്രാർ വി. കലാധരൻ മുഖ്യപ്രഭാഷണം നടത്തി.
സമിതി പ്രസിഡൻ്റ് കലാമണ്ഡലം ശിവദാസ് സ്വാഗതവും ട്രഷറർ അജയ് മേനോൻ നന്ദിയും പറഞ്ഞു.
തുടർന്ന് നന്ദിനി വർമ്മ അവതരിപ്പിച്ച തായമ്പക അരങ്ങേറി.
Leave a Reply