ഇരിങ്ങാലക്കുട : അയിത്തത്തിനും അനാചാരത്തിനും ജാതി വിവേചനത്തിനും എതിരെയും ക്ഷേത്ര പ്രവേശനത്തിനു വേണ്ടിയും നടത്തിയ കുട്ടംകുളം സമരനായകൻ കെ.വി. ഉണ്ണിയുടെ 7-ാം ചരമവാർഷിക ദിനത്തിൽ നടന്ന അനുസ്മരണ സമ്മേളനം സിപിഐ ജില്ലാ അസി. സെക്രട്ടറി അഡ്വ. ടി.ആർ. രമേഷ്കുമാർ ഉദ്ഘാടനം ചെയ്തു.
ഈ കാലഘട്ടത്തിലും ജാതി വ്യവസ്ഥയെ തിരികെ കൊണ്ടുവരാനുള്ള നീക്കങ്ങളെ ചെറുക്കാൻ കെ.വി. ഉണ്ണി ഉൾപ്പെടെയുള്ള സമരനായകർ തെളിച്ച പാതയിലൂടെ മുന്നോട്ടുതന്നെ പോകുമെന്നും ഇരിങ്ങാലക്കുടയിലെ നവോത്ഥാന മൂല്യങ്ങളെ തകർക്കാൻ ആരെയും അനുവദിക്കില്ലെന്നും അദ്ദേഹം പറഞ്ഞു.
എഐടിയുസി ഇരിങ്ങാലക്കുട റേഞ്ച് ചെത്ത് തൊഴിലാളി യൂണിയൻ സെക്രട്ടറി കെ.വി. രാമകൃഷ്ണൻ അധ്യക്ഷത വഹിച്ചു.
മുതിർന്ന നേതാവ് കെ. ശ്രീകുമാർ, ജില്ലാ എക്സിക്യൂട്ടീവ് അംഗം പി. മണി, ഇരിങ്ങാലക്കുട മണ്ഡലം സെക്രട്ടറി എൻ.കെ. ഉദയപ്രകാശ്, എഐടിയുസി ഇരിങ്ങാലക്കുട റേഞ്ച് ചെത്ത് തൊഴിലാളി യൂണിയൻ പ്രസിഡൻ്റ് കെ.വി. രാമദേവൻ, സിപിഐ മണ്ഡലം സെക്രട്ടേറിയറ്റ് അംഗങ്ങളായ അനിത രാധാകൃഷ്ണൻ, കെ.എസ്. പ്രസാദ്, കെ.എസ്. ബൈജു എന്നിവർ പ്രസംഗിച്ചു.
സിപിഐ വേളൂക്കര ലോക്കൽ സെക്രട്ടറി
വി.എസ്. ഉണ്ണികൃഷ്ണൻ സ്വാഗതവും അസി. സെക്രട്ടറി അനിൽകുമാർ നന്ദിയും പറഞ്ഞു.
Leave a Reply