ഇരിങ്ങാലക്കുട : വ്യവസായ ഡയറക്ടറേറ്റും അസാപ്പ് കേരളയും ചേർന്ന് പുതിയ സംരംഭങ്ങൾ തുടങ്ങാൻ ആഗ്രഹിക്കുന്ന യുവതീയുവാക്കളെ ലക്ഷ്യമാക്കി സംരംഭക മേഖലയുമായി ബന്ധപ്പെട്ട കോഴ്സുകളിൽ പരിശീലനം നൽകുന്നു. ഇതിന്റെ ഭാഗമായി തൃശ്ശൂർ ഇൻഡസ്ട്രി സെന്ററുമായി ചേർന്ന് അസാപ് കേരള നടത്തുന്ന ഇന്റീരിയർ ഡിസൈനിങ് കോഴ്സിലേക്ക് പ്രവേശനം ആരംഭിച്ചു.
തൃശൂർ ജില്ലയിൽ സ്ഥിരതാമസക്കാരായ 30 യുവതീയുവാക്കൾക്ക് 100% ഫീസ് ആനുകൂല്യത്തോടെ പ്രവേശനം നേടാം. കോഴ്സ് വിജയകരമായി പൂർത്തിയാക്കുന്നവർക്ക് തൊഴിൽ നേടാനും സംരംഭങ്ങൾ തുടങ്ങാനും പിന്തുണ നൽകും.
ഐടിഐ, ഡിപ്ലോമ, ബിരുദം എന്നീ യോഗ്യതകളിൽ ഏതെങ്കിലും ഉള്ളവർക്ക് ഒക്ടോബർ 30ന് മുൻപായി കോഴ്സിന് അപേക്ഷിക്കാവുന്നതാണ്.
300 മണിക്കൂർ ദൈർഘ്യമുള്ള കോഴ്സ് തൃശൂർ ഗവ. എൻജിനീയറിങ് കോളെജിലാണ് സംഘടിപ്പിക്കുന്നത്.
കൂടുതൽ വിവരങ്ങൾക്ക് : 9846084133
Leave a Reply