ഇരിങ്ങാലക്കുട : ക്രൈസ്റ്റ് കോളെജ് സംസ്ഥാനതലത്തിൽ സംഘടിപ്പിച്ച ”സെഫൈറസ് 7.0” ടെക് ഫെസ്റ്റിൽ ഇരിങ്ങാലക്കുട ഭാരതീയ വിദ്യാഭവൻ ഓവറോൾ കീരീടം നേടി.
ഫൈനലിൽ മത്സരിച്ച ഏക സ്കൂൾതല ടീം ഭാരതീയ വിദ്യാഭവന്റേതായിരുന്നു.
ബി.ടെക്, ഡിഗ്രി, പിജി വിദ്യാർഥികളോട് മത്സരിച്ചാണ് ഭാരതീയ വിദ്യാഭവന്റെ വിദ്യാർഥികൾ ഈ നേട്ടം സ്വന്തമാക്കിയത്.
പേപ്പർ & ഐഡിയ പ്രസന്റേഷൻ മത്സരത്തിൽ റിയ ജയ്സൺ, ജനി ജോസഫ് എന്നിവർ ഒന്നാം സ്ഥാനവും പ്രണവ് ബി. മേനോൻ, കെ. അഭിനവ് എന്നിവർ രണ്ടാം സ്ഥാനവും, ‘ഐഡിയാത്തോൺ’ മത്സരത്തിൽ പ്രണവ് ബി. മേനോൻ ഒന്നാം സ്ഥാനവും, ഏഥറിയോൺ – പ്രോംപ്റ്റ് എഞ്ചിനീയറിംഗ് മത്സരത്തിൽ വൈഭവ് ഗിരീഷ്, കെ. അഭിനവ് എന്നിവർ രണ്ടാം സ്ഥാനവും, ഹാർഡ് വെയർ അസംബ്ലിങ് മത്സരത്തിൽ കെ. അഭിനവ്, ധനഞ്ജയ് എന്നിവർ ഒന്നാം സ്ഥാനവും അഭിമന്യു സജിത്, കെ.ആർ. അനൂജ് എന്നിവർ രണ്ടാം സ്ഥാനവും നേടിയാണ് ഭാരതീയ വിദ്യാഭവൻ ഓവറോൾ കിരീടം സ്വന്തമാക്കിയത്.
Leave a Reply