ഇരിങ്ങാലക്കുട : ക്രൈസ്റ്റ് കോളെജ് മനഃശാസ്ത്ര വിഭാഗത്തിന്റെ നേതൃത്വത്തിൽ സെപ്തംബർ 9 മുതൽ 15 വരെ സംഘടിപ്പിച്ച ആത്മഹത്യാ പ്രതിരോധ വാരാഘോഷം സമാപിച്ചു.
ആഴ്ചതോറും നടന്ന വിവിധ പ്രവർത്തനങ്ങളുടെ ഭാഗമായി തിരഞ്ഞെടുത്ത മനഃശാസ്ത്ര വിദ്യാർഥികളെ ഉൾപ്പെടുത്തി ആത്മഹത്യാ പ്രതിരോധ സെൽ രൂപീകരിച്ചു.
സൈക്കോളജിസ്റ്റ് സിജോ ജോസും അഡ്വ. പി. അർജുനും ചേർന്ന് പരിശീലനങ്ങൾക്ക് നേതൃത്വം നൽകി.
അതോടൊപ്പം ലിസണിങ് സർക്കിൾ, ബോധവൽക്കരണ പരിപാടികൾ, മത്സരങ്ങൾ തുടങ്ങിയവയും സംഘടിപ്പിച്ചു.
ക്യാമ്പയിന്റെ സമാപനത്തിൽ അധ്യാപകർക്കായി ഗേറ്റ് കീപ്പേഴ്സ് ട്രെയിനിങ് ക്ലാസ് സംഘടിപ്പിച്ചു.
ക്ലിനിക്കൽ സൈക്കോളജിസ്റ്റ് ബ്രൈറ്റ് പി. ജേക്കബ് ആണ് ക്ലാസിന് നേതൃത്വം നൽകിയത്.
പ്രിൻസിപ്പൽ ഫാ. ഡോ. ജോളി ആൻഡ്രൂസ്, സ്വാശ്രയ വിഭാഗം കോർഡിനേറ്റർ ഡോ. ടി. വിവേകാനന്ദൻ, മനഃശാസ്ത്ര വിഭാഗം മേധാവി രന്യ എന്നിവർ വിവിധ പരിപാടികളിൽ അധ്യക്ഷത വഹിച്ചു.
മനഃശാസ്ത്ര വിഭാഗത്തിലെ അസിസ്റ്റന്റ് പ്രൊഫസർ എൻ.ആർ. അഭിനവ് ക്യാമ്പയിനിന് നേതൃത്വം നൽകി.
Leave a Reply