വെള്ളാങ്ങല്ലൂർ : പൂമംഗലം – വടക്കുംകര എൻഎസ്എസ് കരയോഗത്തിൻ്റെ വാർഷിക പൊതുയോഗം മുകുന്ദപുരം താലൂക്ക് യൂണിയൻ പ്രസിഡന്റ്‌ അഡ്വ. ഡി. ശങ്കരൻകുട്ടി ഉദ്ഘാടനം ചെയ്തു.
കരയോഗം പ്രസിഡന്റ്‌ യു. ചന്ദ്രശേഖരൻ അധ്യക്ഷത വഹിച്ചു.
യോഗത്തിൽ എസ്.എസ്.എൽ.സി., പ്ലസ് ടു പരീക്ഷകളിൽ ഫുൾ എ പ്ലസ് വാങ്ങിയ കുട്ടികൾക്ക് യൂണിയൻ സെക്രട്ടറി കൃഷ്ണകുമാർ പുരസ്‌കാരം നൽകി.
മേഖല കൺവീനർ വിജയൻ ചിറ്റേത്ത് സാമ്പത്തികമായി പിന്നോക്കം നിൽക്കുന്ന പഠനത്തിൽ മികവ് പുലർത്തുന്ന കുട്ടികൾക്കുള്ള പഠനസഹായം വിതരണം ചെയ്തു.
ക്ഷേമ പെൻഷൻ വനിതാസമാജം പ്രസിഡന്റ്‌ ലത ചന്ദ്രനും ചികിത്സാസഹായം കരയോഗം സെക്രട്ടറി സുധീർ മുകുന്ദനും വിതരണം ചെയ്തു.
സോപാനം കലാകാരി ആശ സുരേഷ് കീർത്തനാലാപനത്തോടെ ഓണാഘോഷം ഉദ്ഘാടനം ചെയ്തു.
കരയോഗം പ്രസിഡന്റ്‌ യു. ചന്ദ്രശേഖരൻ ആശ സുരേഷിന് മൊമെന്റോ നൽകി ആദരിച്ചു.
കൺവീനർ യു. മഹേഷ്‌ സ്വാഗതവും വനിത സമാജം സെക്രട്ടറി ഇന്ദിരദേവി നന്ദിയും പറഞ്ഞു.
യോഗത്തിൽ അനൂപ് മേനോൻ, ജഗൽ ചന്ദ്രമോഹൻ, ഉണ്ണി താഴ്ത്തയിൽ, കെ. രാജേന്ദ്രൻ, സി. വേണുഗോപാൽ, സുനിൽ തറയിൽ, വിമല, രമ, ഭുവനേശ്വരി എന്നിവർ പ്രസംഗിച്ചു.
തുടർന്ന് കാർത്തിക സ്വയംസഹായസംഘവും വനിത സമാജാംഗങ്ങളും കരയോഗം കുടുംബാംഗങ്ങളും അവതരിപ്പിച്ച വിവിധ കലാപരിപാടികൾ അരങ്ങേറി.
Leave a Reply