ഇരിങ്ങാലക്കുട : കേരള സ്റ്റേറ്റ് പൊലീസ് പെൻഷനേഴ്സ് വെൽഫെയർ അസോസിയേഷൻ ഇരിങ്ങാലക്കുട യൂണിറ്റിൻ്റെ കുടുംബസമ്മേളനം സംഘടിപ്പിച്ചു.
ഇരിങ്ങാലക്കുട യൂണിറ്റ് പ്രസിഡന്റ് കെ ടി പ്രേമജൻ അധ്യക്ഷത വഹിച്ചു.
ജില്ലാ പ്രസിഡന്റ് കെ എം ആന്റണി ഐ പി എസ് (റിട്ട) ഉദ്‌ഘാടനം ചെയ്തു.
സമൂഹത്തിൽ നടക്കുന്ന ദൗർഭാഗ്യകരമായ സംഭവങ്ങൾ ചൂണ്ടിക്കാട്ടിയ അദ്ദേഹം കുടുംബ മൂല്യങ്ങളും സാമൂഹിക ഉത്തരവാദിത്വങ്ങളും ഉറപ്പിക്കേണ്ടതിന്റെ ആവശ്യകതയും കുടുംബബന്ധങ്ങൾ കൂടുതൽ സുതാര്യമാക്കുന്നതിന് ആധുനിക സാങ്കേതിക സംവിധാനങ്ങൾ എങ്ങനെ ഉപയോഗിക്കാമെന്നതിനെക്കുറിച്ചും വിശദീകരിച്ചു.
റിട്ട എ എസ് പി എം സുകുമാരൻ മുഖ്യപ്രഭാഷണം നടത്തി.
യൂണിറ്റ് ട്രഷറർ കെ ടി ശശിധരൻ കഴിഞ്ഞ വർഷം വിടവാങ്ങിയ അംഗങ്ങളെ സ്മരിച്ച് സംസാരിച്ചു.
ഷോബി വർഗ്ഗീസ് സ്വാഗതം സുഭദ്രക്കുട്ടിയമ്മ നന്ദിയും പറഞ്ഞു.
തുടർന്ന് വിവിധ കലാപരിപാടികളും മത്സരങ്ങളും അരങ്ങേറി.
Leave a Reply