ഇരിങ്ങാലക്കുട : സ്ത്രീക്ക് എഴുത്ത് ഒരായുധമാണെന്ന് എഴുത്തുകാരിയും സാമൂഹ്യപ്രവർത്തകയുമായ ഷീബ അമീർ പറഞ്ഞു.
യുവ എഴുത്തുകാരി ശ്രീലക്ഷ്മി മനോജ് രചിച്ച് സംഗമസാഹിതി പ്രസിദ്ധീകരിച്ച “പുനർജനി” എന്ന കഥാസമാഹാരം പ്രകാശനം ചെയ്ത് സംസാരിക്കുകയായിരുന്നു അവർ.
ദിനംപ്രതി നിരവധി കഥാപാത്രങ്ങളെ കണ്ടുമുട്ടുന്നവരാണ് സ്ത്രീകൾ. അനുഭവങ്ങളെ ശക്തവും ആഴമുള്ളതുമായ ഭാഷയിൽ ഹൃദയസ്പർശിയായി അവതരിപ്പിക്കാനും അതുവഴി സമൂഹത്തിൽ വലിയ മാറ്റങ്ങൾ ഉണ്ടാക്കാനും സ്ത്രീകൾക്ക് കഴിയുമെന്നും ഷീബ അമീർ കൂട്ടിച്ചേർത്തു.
നോവലിസ്റ്റ് സജ്ന ഷാജഹാൻ പുസ്തകം സ്വീകരിച്ചു.
ഇരിങ്ങാലക്കുട എസ് എസ് ഹാളിൽ നടന്ന ചടങ്ങിൽ സംഗമസാഹിതി പ്രസിഡന്റ് റഷീദ് കാറളം
അധ്യക്ഷത വഹിച്ചു.
സനോജ് രാഘവൻ മുഖ്യാതിഥിയായി.
ഡോ ഷഹന ജീവൻലാൽ പുസ്തകം പരിചയപ്പെടുത്തി.
കാട്ടൂർ രാമചന്ദ്രൻ,
കെ എൻ സുരേഷ്കുമാർ,
മനോജ് വള്ളിവട്ടം,
ജോസ് മഞ്ഞില,
ശ്രീലക്ഷ്മി മനോജ്, രാധാകൃഷ്ണൻ വെട്ടത്ത്,
പി എൻ സുനിൽ, മീനാക്ഷി മനോജ് എന്നിവർ പ്രസംഗിച്ചു.
അരുൺ ഗാന്ധിഗ്രാം സ്വാഗതവും രാധാകൃഷ്ണൻ കിഴുത്താണി നന്ദിയും പറഞ്ഞു.
തുടർന്ന് നടന്ന കവിയരങ്ങ് വി വി ശ്രീല ഉദ്ഘാടനം ചെയ്തു.
കവിയരങ്ങിൽ സിന്റി സ്റ്റാൻലി, ദിനേശ് രാജ, സി ജി രേഖ, എസ് കവിത,
ഷാജിത സലിം, വിജയൻ ചിറ്റേക്കാട്ടിൽ, സഞ്ജയ് പൂവത്തുംകടവിൽ എന്നിവർ പങ്കെടുത്തു.
