ഇരിങ്ങാലക്കുട : സേവാഭാരതിയും കൊച്ചിൻ ഐ ഫൗണ്ടേഷനും കൊമ്പൊടിഞ്ഞാമാക്കൽ ലയൺസ് ക്ലബും സംയുക്തമായി സംഘടിപ്പിച്ച സൗജന്യ നേത്ര തിമിര പരിശോധനാ ക്യാമ്പ് ഇരിങ്ങാലക്കുട സേവാഭാരതി ഓഫീസിൽ വച്ച് നടന്നു.
ഇരിങ്ങാലക്കുട സേവാഭാരതി വൈസ് പ്രസിഡൻ്റ് പ്രകാശൻ കൈമാപ്പറമ്പിൽ അധ്യക്ഷത വഹിച്ചു.
കാറളം 11-ാം വാർഡ് കൗൺസിലർ നീതു അനീഷ് ക്യാമ്പ് ഉദ്ഘാടനം ചെയ്തു.
ലയൺസ് ക്ലബ് ഡിസ്ട്രിക്ട് മെഡിക്കൽ ക്യാമ്പ് കോർഡിനേറ്റർ ജോൺസൻ കോലങ്കണ്ണി മുഖ്യാതിഥിയായി പങ്കെടുത്തു.
കൊച്ചിൻ ഐ ഫൗണ്ടേഷൻ്റെ ശിവൻ്റെ നേതൃത്വത്തിലുള്ള പ്രവർത്തകരും ക്യാമ്പിൽ ഉണ്ടായിരുന്നു.
ഇരിങ്ങാലക്കുട സേവാഭാരതി എക്സിക്യൂട്ടീവ് സമിതി അംഗം സൗമ്യ സംഗീത് സ്വാഗതവും വാനപ്രസ്ഥാശ്രമം സെക്രട്ടറി ഹരികുമാർ തളിയക്കാട്ടിൽ നന്ദിയും പറഞ്ഞു.
സേവാഭാരതി ജോയിൻ്റ് സെക്രട്ടറി ഗോപിനാഥൻ പീടികപ്പറമ്പിൽ, ട്രഷറർ ഐ. രവീന്ദ്രൻ, ആരോഗ്യ ആയാം കൺവീനർ ജഗദീശ് പണിക്കവീട്ടിൽ, വിദ്യാഭ്യാസ ആയാം കൺവീനർ ശ്രീകല കൃഷ്ണകുമാർ, സേവാഭാരതി പ്രവർത്തകരായ കവിത ലീലാധരൻ, മണിമോൾ, ഷീന ബാബു, മണികണ്ഠൻ ചൂണ്ടാണി
എന്നിവർ ക്യാമ്പിന് നേതൃത്വം നൽകി.
Leave a Reply