ഇരിങ്ങാലക്കുട : മാപ്രാണത്തെ കാർ വർക്ക്ഷോപ്പിൽ നിന്ന് മൊബൈൽ ഫോണും എ.ടി.എം കാർഡും 7500 രൂപയും മോഷ്ടിച്ച കേസിൽ ജാർഖണ്ഡ് സ്വദേശിയായ പ്രതിയെ തൃശൂർ റൂറൽ പൊലീസ് അറസ്റ്റ് ചെയ്തു.
ജാർഖണ്ഡ്, റാഞ്ചി, ജാംഖുന സ്വദേശി നെൽസൻ കോർവ (35) എന്നയാളെയാണ് പിടികൂടിയത്.
തിങ്കളാഴ്ച ഉച്ചതിരിഞ്ഞ് 4 മണിയോടെ ആറാട്ടുപുഴ മടപ്പാട് വീട്ടിൽ സലീഷ് എന്നയാളുടെ കാർ വർക്ക്ഷോപ്പിലാണ് മോഷണം നടന്നത്.
നടപടിക്രമങ്ങൾക്കു ശേഷം പ്രതിയെ കോടതിയിൽ ഹാജരാക്കും.
ഇരിങ്ങാലക്കുട പൊലീസ് സ്റ്റേഷൻ ഇൻസ്പെക്ടർ കെ.ജെ. ജിനേഷ്, സബ്ബ് ഇൻസ്പെക്ടർ സതീഷ്, ജി എസ് സി പി ഒ മാരായ കെ.എസ്. അർജുൻ, ജോവിൻ ജോയ് എന്നിവരാണ് അന്വേഷണ സംഘത്തിലുണ്ടായിരുന്നത്.
Leave a Reply