ഇരിങ്ങാലക്കുട : കെ.പി.എം.എസ്. വെള്ളാങ്ങല്ലൂർ യൂണിയൻ്റെ നേതൃത്വത്തിൽ അയ്യങ്കാളി – അവിട്ടം ദിനാഘോഷം സെപ്തംബർ 6ന് സോഷ്യൽ ക്ലബ്ബ് അങ്കണത്തിൽ പുഷ്പാർച്ചന, ഘോഷയാത്ര, അനുസ്മരണ സമ്മേളനം, ആദരവ് എന്നിവയോടെ സംഘടിപ്പിക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.
മന്ത്രി ഡോ. ആർ. ബിന്ദു ഉദ്ഘാടനം നിർവ്വഹിക്കും.
എഴുത്തുകാരൻ കെ. പ്രസാദ്, എസ്.എൻ.ഡി.പി. യോഗം ഡയറക്ടർ കെ.കെ. ബിനു, വെള്ളാങ്ങല്ലൂർ പഞ്ചായത്ത് മെമ്പർ ജാസ്മി ജോയ് എന്നിവർ അനുസ്മരണ പ്രഭാഷണം നടത്തും.
കെ.പി.എം.എസ്. സംസ്ഥാനം കമ്മിറ്റി അംഗം കെ.പി. ശോഭന സഭാസന്ദേശം നൽകും.
വെള്ളാങ്ങല്ലൂർ ബ്ലോക്ക് ജംഗ്ഷനിൽ നിന്ന് 3 മണിക്ക് ആരംഭിക്കുന്ന വർണ്ണശബളമായ ഘോഷയാത്ര 5.30ന് വെള്ളാങ്ങല്ലൂർ സോഷ്യൽ ക്ലബ്ബ് അങ്കണത്തിൽ എത്തിച്ചേരും. തുടർന്ന് 6 മണിക്കാണ് അനുസ്മരണ സമ്മേളനം.
സംഘാടകസമിതി ചെയർമാൻ പ്രേംജിത്ത് പൂവ്വത്തുംകടവിൽ, കെ.പി.എം.എസ്. സംസ്ഥാന വൈസ് പ്രസിഡൻ്റ് പി.എൻ. സുരൻ, വെള്ളാങ്ങല്ലൂർ യൂണിയൻ കമ്മിറ്റി അംഗം ശിവൻ മണമേൽ, അസിസ്റ്റൻ്റ് സെക്രട്ടറി പി.വി. ശ്രീനിവാസൻ എന്നിവർ പത്രസമ്മേളനത്തിൽ പങ്കെടുത്തു.
Leave a Reply