ഇരിങ്ങാലക്കുട : സമസ്ത കേരള വാര്യർ സമാജം ഇരിങ്ങാലക്കുട യൂണിറ്റിൻ്റെ ആഭിമുഖ്യത്തിൽ ഓണാഘോഷവും കുടുംബ സംഗമവും സംഘടിപ്പിച്ചു.
ചടങ്ങ് പ്രശസ്ത മേളകലാകാരൻ പെരുവനം ശങ്കരനാരായണൻ മാരാർ ഉദ്ഘാടനം ചെയ്തു.
ഐ. ഈശ്വരൻ കുട്ടി അധ്യക്ഷത വഹിച്ചു.
ജില്ലാ പ്രസിഡൻ്റ് കെ. ഉണ്ണികൃഷ്ണവാര്യർ മുഖ്യപ്രഭാഷണം നടത്തി.
ദുർഗ്ഗ ശ്രീകുമാർ, ഉഷ ദാസ്, എ. അച്യുതൻ, എ.സി. സുരേഷ്, ടി. രാമൻകുട്ടി, വി.വി. ശ്രീല, സഞ്ജയ് ഗിരീശൻ എന്നിവർ പ്രസംഗിച്ചു.
എസ്.എസ്.എൽ.സി., പ്ലസ്ടു പരീക്ഷയിൽ ഉന്നത വിജയം കരസ്ഥമാക്കിയവർക്ക് ഉപഹാരം നൽകി.
തുടർന്ന് നാമജപ ഘോഷയാത്ര, മാലകെട്ട് മത്സരം, ആദരണം, വിവിധ കലാ-കായിക പരിപാടികൾ എന്നിവ അരങ്ങേറി.
Leave a Reply