ഇരിങ്ങാലക്കുട : “ചെറിയ ജീവിതശൈലി മാറ്റങ്ങൾ വലിയ ആരോഗ്യ ഗുണങ്ങൾ” എന്ന പ്രമേയവുമായി ഈ വർഷത്തെ ലോക ഹൃദയ ദിനാചരണത്തിന്റെ ജില്ലാതല ഉദ്ഘാടനം ഇരിങ്ങാലക്കുട ഗവ. ജനറൽ ആശുപത്രിയിൽ നഗരസഭ ചെയർപേഴ്സൺ മേരിക്കുട്ടി ജോയ് നിർവഹിച്ചു.
വൈസ് ചെയർമാൻ ബൈജു കുറ്റിക്കാടൻ അധ്യക്ഷത വഹിച്ചു.
ജില്ലാ മെഡിക്കൽ ഓഫീസർ ഡോ. ടി.പി. ശ്രീദേവി മുഖ്യപ്രഭാഷണം നടത്തി.
ആരോഗ്യ കേരളം ജില്ലാ പ്രോഗ്രാം മാനേജർ ഡോ. പി. സജീവ് കുമാർ സന്ദേശം നൽകി.
എൻ.സി.ഡി. നോഡൽ ഓഫീസർ ഡോ. എൻ.എ. ഷീജ വിഷയാവതരണം നടത്തി.
നഗരസഭ ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ അംബിക പള്ളിപ്പുറത്ത്, വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ഫെനി എബിൻ വെള്ളാനിക്കാരൻ, വാർഡ് കൗൺസിലർ പി.ടി. ജോർജ്ജ്, ജില്ലാ നഴ്സിംഗ് ഓഫീസർ എം.എസ്. ഷീജ, ടെക്നിക്കൽ അസിസ്റ്റൻ്റ് ഗ്രേഡ് വൺ ഇൻ ചാർജ് ഗോപകുമാർ, റോട്ടറി ക്ലബ്ബ് പ്രസിഡൻ്റ് എം.ജെ. ജോൺ എന്നിവർ ആശംസകൾ അർപ്പിച്ചു.
ആശുപത്രി സൂപ്രണ്ട് ഡോ. എം.ജി. ശിവദാസ് സ്വാഗതവും ജില്ലാ എജുക്കേഷൻ & മീഡിയ ഓഫീസർ സി.എം. ശ്രീജ നന്ദിയും പറഞ്ഞു.
ഇതോടനുബന്ധിച്ച് രാവിലെ സംഘടിപ്പിച്ച വാക്കത്തോൺ റൂറൽ ജില്ലാ പൊലീസ് മേധാവി ബി. കൃഷ്ണകുമാർ ഫ്ലാഗ് ഓഫ് ചെയ്തു.
വാക്കത്തോണിൽ വിവിധ സാമൂഹിക സാംസ്കാരിക സംഘടനകൾ, സ്കൂൾ – കോളെജ് വിദ്യാർഥികൾ, സന്നദ്ധ പ്രവർത്തകർ, സ്റ്റുഡൻ്റ് പൊലീസ് കേഡറ്റുകൾ, വിവിധ വകുപ്പുകളിൽ നിന്നുള്ള ഉദ്യോഗസ്ഥർ, എൻ.സി.സി. എൻ.എസ്.എസ്. വൊളൻ്റിയർമാർ തുടങ്ങിയവർ പങ്കെടുത്തു.
Leave a Reply