ഇരിങ്ങാലക്കുട : എംഇഎസ് മുകുന്ദപുരം താലൂക്ക് കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച റംസാൻ റിലീഫ് വിതരണവും സമൂഹ നോമ്പുതുറയും വെള്ളാങ്ങല്ലൂർ പഞ്ചായത്ത് പ്രസിഡന്റ് സുലേഖ അബ്ദുല്ലക്കുട്ടി ഉദ്ഘാടനം ചെയ്തു.
താലൂക്ക് പ്രസിഡന്റ് ബഷീർ തോപ്പിൽ അധ്യക്ഷത വഹിച്ചു.
ജില്ലാ എക്സിക്യൂട്ടീവ് മെമ്പർ അയൂബ് കരൂപ്പടന്ന ആമുഖപ്രഭാഷണം നടത്തി.
റേഞ്ച് പ്രസിഡന്റ് മുഹമ്മദ് ഫൈസി റംസാൻ സന്ദേശം നൽകി.
റംസാൻ കിറ്റ് വിതരണം എംഇഎസ് ജില്ലാ പ്രസിഡന്റ് പി.കെ. മുഹമ്മദ് ഷമീർ, മഹല്ല് പ്രസിഡന്റ് അബ്ദുൽ ഗഫാറിനു നൽകി ഉദ്ഘാടനം ചെയ്തു.
പുതുവസ്ത്ര വിതരണം മഹല്ല് ഭാരവാഹി അറക്കൽ അബ്ദുലുവിന്, മുൻ സംസ്ഥാന അധ്യാപക അവാർഡ് ജേതാവ് കൂടിയായ ജില്ലാ പഞ്ചായത്ത് മെമ്പർ ഷക്കീല ടീച്ചർ നൽകി.
ബ്ലോക്ക് പഞ്ചായത്ത് വൈസ് പ്രസിഡന്റ് ആലീസ് തോമസ്, ക്ഷേമകാര്യ കമ്മിറ്റി ചെയർമാൻ രമേശ് മാടത്തിങ്കൽ, വാർഡ് മെമ്പർ എ.എ. മുസമ്മിൽ, വി. മോഹൻദാസ്, ജില്ലാ സെക്രട്ടറി കെ.എം. അബ്ദുൽ ജമാൽ, സംസ്ഥാന സമിതി അംഗങ്ങളായ അഡ്വ. നവാസ്, വി.എം. ഷൈൻ, യൂത്ത് വിംഗ് പ്രസിഡന്റ് നസീർ കാതിയാളം, ഷഹീം ഷാഹുൽ, മുഹമ്മദ് അലി മാതിരപ്പിള്ളി, അബ്ദുൽ സലാം, അബ്ദുൽ ഗഫൂർ പുത്തൻകാട്ടിൽ, ഹുസൈൻ, അബൂബക്കർ എന്നിവർ പ്രസംഗിച്ചു.
കോർഡിനേറ്റർ സലിം അറക്കൽ സ്വാഗതവും സെക്രട്ടറി എം.എം. അബ്ദുൽ നിസാർ നന്ദിയും പറഞ്ഞു.
Leave a Reply