ഇരിങ്ങാലക്കുട : സെന്റ് തോമസ് കത്തീഡ്രൽ അഖില കേരള കത്തോലിക്ക കോൺഗ്രസിന്റെ നേതൃത്വത്തിൽ നടത്തുന്ന അഖില കേരള സെവൻസ് ഫുട്ബോൾ ടൂർണമെന്റിന്റെ നാലാം ദിനം ക്രൈസ്റ്റ് കോളെജ് മാനേജർ ഫാ.ജോയ് പിണിക്ക പറമ്പിൽ ഉദ്ഘാടനം ചെയ്തു.
എ.കെ.സി.സി. വൈസ് പ്രസിഡന്റ് ഷാജു കണ്ടം കുളത്തി അധ്യക്ഷത വഹിച്ചു.
മുൻ മുനിസിപ്പൽ ചെയർപേഴ്സൺ സോണിയ ഗിരി മുഖ്യാതിഥിയായിരുന്നു.
പ്രശസ്ത ഫുട്ബോളർ ഇരിങ്ങാലക്കുട സ്വദേശി എ.ടി. വർഗീസിനെ ചടങ്ങിൽ ആദരിച്ചു.
മുനിസിപ്പൽ പ്രതിപക്ഷ നേതാവ് പി.വി. ശിവകുമാർ, എ.കെ.സി.സി. പ്രസിഡന്റ് സാബു കൂനൻ, ജനറൽ കൺവീനർ രഞ്ചി അക്കരക്കാരൻ, ചെയർമാൻ ഷാജു കണ്ടംകുളത്തി, സെക്രട്ടറി റോബി കാളിയങ്കര, ട്രഷറർ ഡേവിസ് ചക്കാലക്കൽ, പ്രോഗ്രാം കോർഡിനേറ്റർ ടെൽസൺ കോട്ടോളി, ജോയിന്റ് കൺവീനർമാരായ ഷാജു പാറേക്കാടൻ, അഡ്വ. ഹോബി ജോളി, വർഗീസ് ജോൺ എന്നിവർ പ്രസംഗിച്ചു.
നാലാം ദിന മൽസരത്തിൽ യൂണിവേഴ്സൽ ബിൽഡേഴ്സ് ഇടപ്പള്ളി സോക്കർ സെവൻസ് ആലുവയെ ഒന്നിനെ തിരെ മൂന്നു ഗോളുകൾക്ക് പരാജയപ്പെടുത്തി.
മുൻ പ്രസിഡന്റ് വിൻസൻ കോമ്പാറക്കാരൻ സ്വാഗതവും ടീം കോർഡിനേറ്റർ ജോസ് മാമ്പിള്ളി നന്ദിയും പറഞ്ഞു.
ഇരിങ്ങാലക്കുട മുനിസിപ്പൽ മൈതാനിയിലെ ഫ്ലഡ് ലൈറ്റ് സ്റ്റേഡിയത്തിൽ വൈകിട്ട് 7 മണിക്കാണ് മൽസരങ്ങൾ നടക്കുന്നത്. 22 ന് ഞായാറാഴ്ച നടക്കുന്ന ഫൈനൽ മൽസരത്തിൽ ഉന്നത വിദ്യാഭ്യാസ മന്ത്രി ഡോ.ആർ. ബിന്ദു സമ്മാനദാനം നിർവ്വഹിക്കും.
ഇന്ന് (വ്യാഴാഴ്ച) മുതൽ സെമി മൽസരങ്ങൾ ആരംഭിക്കും. ആദ്യ സെമി കാളിദാസ എഫ്. സി. തൃശൂരും ഓർബിറ്റ് പഞ്ചവടി ടീംസ് മലപ്പുറവും തമ്മിലായിരിക്കും.
Leave a Reply