ഇരിങ്ങാലക്കുട : മാപ്രാണം ഹോളിക്രോസ് തീർത്ഥാടന ദൈവാലയത്തിലെ കുരിശുമുത്തപ്പന്റെ തിരുനാൾ സെപ്തംബർ 13, 14 തിയ്യതികളിൽ സംഘടിപ്പിക്കുമെന്ന് സംഘാടകർ പത്രസമ്മേളനത്തിൽ അറിയിച്ചു.
സെപ്തംബർ 4ന് രാവിലെ 6.30ന് കോട്ടപ്പുറം രൂപത മെത്രാൻ റവ. ഡോ. അംബ്രോസ് പുത്തൻവീട്ടിൽ കൊടിയേറ്റം നിർവഹിക്കും. തുടർന്ന് ലാറ്റിൻ റീത്തിൽ കുർബാനയും ഉണ്ടാകും.
അന്നേദിവസം മുതൽ 12 വരെ തിരുനാളിന്റെ നവനാൾ ആചരിക്കും.
തിരുനാൾ ആഘോഷത്തിന്റെ ഭാഗമായുള്ള പള്ളിയുടെയും ബഹുനില പന്തലുകളുടെയും സ്വിച്ച് ഓൺ കർമ്മം 12ന് വൈകീട്ട് 7 മണിക്ക് നടക്കും.
13ന് രാവിലെ കുർബാനയ്ക്കു ശേഷം തിരുഹൃദയപ്രദക്ഷിണവും തിരുസ്വരൂപങ്ങൾ എഴുന്നള്ളിച്ചു വയ്ക്കലും ഉണ്ടായിരിക്കും.
വൈകീട്ട് 7.30ന് പുഷ്പ കുരിശ് എഴുന്നള്ളിപ്പ് ആരംഭിക്കും.
തിരുനാൾ ദിനമായ 14ന് വൈകീട്ട് 3 മണിക്കുള്ള കുർബാനയെ തുടർന്ന് ആഘോഷമായ തിരുനാൾ പ്രദക്ഷിണം അരങ്ങേറും.
21ന് നടത്തുന്ന എട്ടാമിടത്തോടനുബന്ധിച്ച് രാവിലെ 10 മണി മുതൽ ഉച്ചയ്ക്ക് 2 മണി വരെ സ്നേഹാഞ്ജലി ഹാളിൽ കുരിശുമുത്തപ്പന്റെ നേർച്ച ഊട്ട് ഉണ്ടായിരിക്കും.
15ന് രാത്രി 7 മണിക്ക് “എൻ്റെ പിഴ” എന്ന നാടകവും 21ന് രാത്രി 7 മണിക്ക് മെഗാഷോയും ഉണ്ടായിരിക്കും.
വികാരി റവ. ഫാ. ജോണി മേനാച്ചേരി, ജനറൽ കൺവീനർ ജോൺ പള്ളിത്തറ, പബ്ലിസിറ്റി കൺവീനർ സെബി കള്ളാപറമ്പിൽ, അസിസ്റ്റൻ്റ് വികാരി ഫാ. ഡിക്സൺ കാഞ്ഞൂക്കാരൻ, കൈക്കാരന്മാരായ ആന്റണി കള്ളാപറമ്പിൽ, പോളി പള്ളായി, ബിജു തെക്കേത്തല എന്നിവർ പത്രസമ്മേളനത്തിൽ പങ്കെടുത്തു.
Leave a Reply