ഇരിങ്ങാലക്കുട : മാപ്രാണം ഹോളിക്രോസ് തീർഥാടന ദേവാലയത്തിൽ വിശുദ്ധ കുരിശിന്റെ പുകഴ്ചയുടെ തിരുനാളിന് പങ്കെടുക്കാനെത്തിയത് ആയിരക്കണക്കിന് വിശ്വാസികൾ.
പള്ളിയുടെ സ്ഥാപിതകുരിശ് ഭക്തജനങ്ങളുടെ വണക്കത്തിനായി ഫാ. സിബു കള്ളാപറമ്പിൽ രൂപക്കൂട്ടിൽ നിന്നും എടുത്ത് പ്രത്യേകം സജ്ജമാക്കിയ പീഠത്തിൽ സ്ഥാപിച്ച ശേഷം ഫാ. ഡേവിസ് ചാലിശ്ശേരി വിശുദ്ധ കുരിശിന്റെ തിരുശേഷിപ്പ് ആശീർവാദവും നൽകി.
ഫാ. ലിജോ മണിമലക്കുന്നേൽ സന്ദേശം നൽകി.
തുടർന്ന് സെന്റ് റോസ് കപ്പേള ചുറ്റിയുള്ള പ്രദക്ഷിണത്തിനു ശേഷം തിരുസ്വരൂപങ്ങളും പ്രതിഷ്ഠാകുരിശും നേർച്ച പന്തലിൽ എഴുന്നള്ളിച്ചു വെച്ചു.
വൈകീട്ട് സെന്റ് ജോൺ കപ്പേളയിൽ നടന്ന വിശുദ്ധ കുരിശിന്റെ നൊവേനയ്ക്കും തിരി തെളിയിക്കലിനും ബിഷപ്പ് മാർ പോളി കണ്ണൂക്കാടൻ നേതൃത്വം നൽകി. തിരി തെളിയിക്കലിനു ശേഷം മാർ പോളി കണ്ണൂക്കാടൻ എഴുന്നള്ളിപ്പിനുള്ള പുഷ്പകുരിശ് കമ്മിറ്റി ഭാരവാഹികൾക്കു കൈമാറി.
രാത്രി പുഷ്പകുരിശ് എഴുന്നള്ളിപ്പ് ഉണ്ണി മിശിഹാ കപ്പേളയിൽ നിന്നും ആരംഭിച്ച് പള്ളിയിൽ സമാപിച്ചു.
ഇന്നലെ നടന്ന ആഘോഷമായ തിരുനാൾ ദിവ്യബലിക്ക് ഫാ. ഷാജി തെക്കേക്കര മുഖ്യകാർമ്മികത്വം വഹിച്ചു. ആലുവ ഡി പോൾ വിൻസൻഷ്യൻ സെമിനാരി റെക്ടർ ഫാ. ബിജു കൂനൻ തിരുനാൾ സന്ദേശം നൽകി. മാപ്രാണം പള്ളി അസി. വികാരി ഫാ. ഡിക്സൻ കാഞ്ഞൂക്കാരൻ സഹകാർമ്മികനായിരുന്നു.
ഉച്ചകഴിഞ്ഞ് ദിവ്യബലി, തിരുനാൾ പ്രദക്ഷിണം, പ്രതിഷ്ഠാകുരിശ് നഗരി കാണിക്കൽ, പ്രദക്ഷിണ സമാപനം, വിശുദ്ധ കുരിശിൻ്റെ ആശീർവാദം, വിശുദ്ധ കുരിശിൻ്റെ തിരുശേഷിപ്പ് ചുംബിക്കൽ, പ്രതിഷ്ഠാകുരിശ് പുനഃപ്രതി ഷ്ഠിക്കൽ, വർണ്ണമഴ എന്നിവയും ഉണ്ടായിരുന്നു.
വികാരി ഫാ. ജോണി മേനാച്ചേരി, അസി. വികാരി ഫാ. ഡിക്സൻ കാഞ്ഞൂക്കാരൻ, കൈക്കാരന്മാരായ ജോൺ പള്ളിത്തറ, ആൻ്റണി കള്ളാപറമ്പിൽ, ബിജു തെക്കേത്തല, പോളി പള്ളായി, കമ്മിറ്റി കൺവീനർമാരായ സെബി കള്ളാപറമ്പിൽ, വിൻസന്റ് നെല്ലേപ്പിള്ളി, ഡേവിസ് കുറ്റിക്കാടൻ, ജോൺസൺ തെക്കൂടൻ, സിസ്റ്റർ നിർമ്മല എഫ്സിസി, ജോസ് മംഗലൻ, സിജി ജോസ് ആലുക്കൽ, ടോമി എടത്തിരുത്തിക്കാരൻ എന്നിവർ തിരുനാളിനു നേതൃത്വം നൽകി.
ഇന്നു മരിച്ചവരുടെ ഓർമ്മദിന ത്തിൽ രാവിലെ 6.15ന് മരിച്ചവർക്കു വേണ്ടി സമൂഹബലി, സെമിത്തേരിയിൽ ഒപ്പീസ്, രാത്രി ഏഴിന് തൃശൂർ കലസദന്റെ നാടകം “എന്റെ പിഴ” എന്നിവ നടക്കും.
Leave a Reply