ഇരിങ്ങാലക്കുട : വർണ്ണക്കുടയുടെ സ്പെഷ്യൽ എഡിഷനായി ഇരിങ്ങാലക്കുട നിയോജക മണ്ഡലത്തിൽ സംഘടിപ്പിക്കുന്ന മധുരം ജീവിതം ലഹരി വിരുദ്ധ ഓണാഘോഷത്തിന്റെ ഭാഗമായി സാഹിത്യ മത്സരങ്ങൾ സംഘടിപ്പിച്ചു.
എല്‍.പി., യു.പി., ഹൈസ്കൂള്‍, ഹയര്‍ സെക്കണ്ടറി, കോളെജ് എന്നീ തലങ്ങളിലും പൊതുജനങ്ങള്‍ക്കായി ജനറല്‍തലത്തിലുമായാണ് ചിത്രരചന, കഥാരചന, കവിതാരചന, ഉപന്യാസരചന, പ്രസംഗം എന്നീ മത്സരങ്ങൾ സംഘടിപ്പിച്ചത്.
സെന്റ് ജോസഫ്സ് കോളെജിൽ നടന്ന മത്സരങ്ങളുടെ ഉദ്ഘാടനം എഴുത്തുകാരൻ പി.കെ. ഭരതൻ നിർവഹിച്ചു.
കോളെജ് വൈസ് പ്രിൻസിപ്പൽ സിസ്റ്റർ എലൈസ അധ്യക്ഷത വഹിച്ചു.
പ്രോഗ്രാം കൺവീനർ കെ.ആർ. സത്യപാലൻ സ്വാഗതം പറഞ്ഞു.
ജനറൽ കൺവീനർ ഡോ. കേസരി, വെള്ളാങ്ങല്ലൂർ ബ്ലോക്ക് പഞ്ചായത്ത് അംഗം രാജേഷ് അശോകൻ, ആർ.എൽ. ജീവൻലാൽ, പി.കെ. സ്റ്റാൻലി, നീതു സുഭാഷ് എന്നിവർ പ്രസംഗിച്ചു.
Leave a Reply