ഇരിങ്ങാലക്കുട : കാറളം പഞ്ചായത്തിൽ തെരുവു വിളക്കുകളുടെ അറ്റകുറ്റ പണികൾ നടക്കാത്തതിൽ പ്രതിഷേധിച്ച് ബിജെപി മെമ്പർമാർ വ്യാഴാഴ്ചയും പഞ്ചായത്തിന് മുൻപിൽ മെഴുകുതിരി കത്തിച്ച് നടത്തിയ പ്രതിഷേധ സമരം വിജയത്തിലേക്ക്.
പ്രതിഷേധത്തെ തുടർന്ന് പഞ്ചായത്ത് പ്രസിഡൻ്റിൻ്റെ നേതൃത്വത്തിൽ മെയിൻ്റനൻസ് കോൺട്രാക്ടറെ പഞ്ചായത്തിലേക്ക് വിളിച്ചു വരുത്തി തിങ്കളാഴ്ച്ച മുതൽ അറ്റകുറ്റ പണികൾ തുടങ്ങാൻ തീരുമാനമായി.
ബിജെപിയുടെ പ്രതിഷേധ സമരം കാറളം പഞ്ചായത്ത് ജനറൽ സെക്രട്ടറി ഇ.ജി. സുഭാഷ് ഉദ്ഘാടനം ചെയ്തു.
ബിജെപി പാർലിമെൻ്ററി പാർട്ടി ലീഡർ വിജിൽ വിജയൻ, മെമ്പർമാരായ പി. രാജൻ, സരിത വിനോദ്, പ്രിയ അനിൽ, നീതു അനീഷ്, അഞ്ജു സുജിത്ത് തുടങ്ങിയവർ നേതൃത്വം നൽകി.
Leave a Reply