ഇരിങ്ങാലക്കുട : ശബരിമലയിൽ
സ്വർണ്ണക്കൊള്ള നടത്തിയ ദേവസ്വം ബോർഡ് മെമ്പർമാരെയും ഉദ്യോഗസ്ഥരെയും അറസ്റ്റ് ചെയ്യുക, ശബരിമലയിലെ സ്വത്തുക്കൾ സംരക്ഷിക്കുക, സ്വർണ്ണ കള്ളന്മാരെ സംരക്ഷിക്കുന്ന പിണറായി സർക്കാരിന്റെ ഹിന്ദു വിരുദ്ധ നയങ്ങൾ തിരുത്തുക, സ്വർണ്ണ കള്ളന്മാരുടെ ദേവസ്വം ബോർഡ് പിരിച്ചു വിടുക, ദേവസ്വം മന്ത്രി രാജിവെക്കുക എന്നീ ആവശ്യങ്ങളുമായി ഹിന്ദു ഐക്യവേദിയുടെയും ശബരിമല കർമ്മസമിതിയുടെയും നേതൃത്വത്തിൽ പൊറത്തിശ്ശേരിയിൽ പ്രതിഷേധ പ്രകടനവും പൊതുയോഗവും നടത്തി.
പൊതുയോഗം ഹിന്ദു ഐക്യവേദി താലൂക്ക് പ്രസിഡന്റ് കെ.പി. നന്ദൻ ഉദ്ഘാടനം ചെയ്തു.
ആർ.എസ്.എസ്. മണ്ഡൽ സഹകാര്യവാഹ് പി.സി. വിക്രം മുഖ്യപ്രഭാഷണം നടത്തി.
കരുവന്നൂർ ബംഗ്ലാവ് പരിസരത്തു നിന്നും ആരംഭിച്ച പ്രതിഷേധ പ്രകടനത്തിന് ഹിന്ദു ഐക്യവേദി താലൂക്ക് വൈസ് പ്രസിഡൻ്റ് കെ.ആർ. രാജേഷ്, സെക്രട്ടറി സതീഷ് കോമ്പാത്ത്, ലാൽ കുഴുപ്പുള്ളി എന്നിവർ നേതൃത്വം നൽകി.
Leave a Reply