ഇരിങ്ങാലക്കുട : ശക്തിനഗർ സൗഹൃദവേദി റസിഡൻ്റ്സ് അസോസിയേഷൻ്റെ പുതുവത്സരാഘോഷം നഗരസഭാ ചെയർമാൻ എം.പി. ജാക്സൺ ഉദ്ഘാടനം ചെയ്തു.
നാം നേരിടുന്ന വിവിധ പ്രശ്നങ്ങൾ ചർച്ച ചെയ്യാനും പരിഹാരം കണ്ടെത്താനും ഇത്തരം കൂട്ടായ്മകൾ ഏറെ ഫലപ്രദമാണെന്നും അതുകൊണ്ടുതന്നെ റസിഡൻ്റ്സ് അസോസിയേഷനുകളെ ഉൾപ്പെടുത്തിക്കൊണ്ടുള്ള പദ്ധതികൾക്ക് രൂപം കൊടുത്തുവരികയാണെന്നും അദ്ദേഹം പറഞ്ഞു.
സൗഹൃദവേദി പ്രസിഡൻ്റ് അസീന നസീർ അധ്യക്ഷത വഹിച്ചു.
യോഗത്തിൽ വാർഡ് കൗൺസിലർ റോണി പോൾ മാവേലി ആശംസകൾ നേർന്നു.
സെക്രട്ടറി മെഡാലിൻ റിജോ സ്വാഗതവും വൈസ് പ്രസിഡൻ്റ് ഒ.ജെ. സ്റ്റാൻലി നന്ദിയും പറഞ്ഞു.
എൻഡോവ്മെൻ്റ് വിതരണം, സമ്മാനദാനം, സൗഹൃദവിരുന്ന്, വർണ്ണമഴ, കലാപരിപാടികൾ എന്നിവയും നടന്നു.
Leave a Reply