ഇരിങ്ങാലക്കുട : പരിശീലക ഇല്ലാതായതോടെ പടിയൂര് പഞ്ചായത്തിലെ വനിതാ ജിം പ്രവര്ത്തനരഹിതമായി.
ജില്ലാ പഞ്ചായത്തിന്റെ 2024 – 25 വാര്ഷികപദ്ധതിയില് ഉള്പ്പെടുത്തി അഞ്ചുലക്ഷം രൂപ ചെലവഴിച്ച് ആരംഭിച്ച വനിതാ ജിമ്മിനാണ് പൂട്ടുവീണത്. പടിയൂര് പഞ്ചായത്ത് ഓഫീസിന്റെ മുകളിലത്തെ മീറ്റിംഗ് ഹാളിലാണ് ജിം ഒരുക്കിയിരിക്കുന്നത്.
പഞ്ചായത്തിലെ ഒട്ടേറെ സ്ത്രീകള് ഈ ജിം ഉപയോഗിച്ചിരുന്നു.
എന്നാല് മറ്റൊരു ജോലി കിട്ടിയതോടെ പരിശീലക ഇവിടത്തെ ജോലി അവസാനിപ്പിച്ചു.
പുതിയ പരിശീലകയെ നിയമിക്കാനോ, ജിം പുനരാരംഭിക്കാനോ പഞ്ചായത്തിന് സാധിച്ചില്ലെന്ന് സ്ത്രീകളും പ്രതിപക്ഷവും കുറ്റപ്പെടുത്തി.
അതേസമയം മുന് ഭരണസമിതിയുടെ കാലത്താണ് പരിശീലക പോയതെന്നും പുതിയ ഭരണസമിതി അധികാരത്തിൽ കയറിയതിനു ശേഷം ഒരു പുതിയ പരിശീലകയ്ക്കായുള്ള അന്വേഷണം ഊർജിതമാക്കിയിരുന്നു എന്നും പഞ്ചായത്ത് പ്രസിഡൻ്റ് കെ.പി. കണ്ണൻ പറഞ്ഞു. തിരഞ്ഞെടുപ്പ് പ്രോട്ടോക്കോൾ അവസാനിക്കുന്നതിനു പിന്നാലെ തന്നെ പരിശീലകയെ നിയമിക്കുന്നതിനുള്ള നടപടികൾ പൂർത്തിയാക്കുമെന്നും ജിം പ്രവർത്തന പുനരാരംഭിക്കുമെന്നും കെ.പി. കണ്ണന് കൂട്ടിച്ചേർത്തു.
Leave a Reply