ഇരിങ്ങാലക്കുട : പടിയൂർ പഞ്ചായത്ത് 6-ാം വാർഡിൽ ഗ്രാമോത്സവമായ “നാട്ടുത്സവം” ആഘോഷിച്ചു.
മന്ത്രി ഡോ. ആർ. ബിന്ദു ആഘോഷങ്ങൾ ഉദ്ഘാടനം ചെയ്തു.
പടിയൂർ സെന്റ് മേരീസ് ചർച്ച് അങ്കണത്തിൽ നടന്ന പരിപാടിയിൽ പഞ്ചായത്ത് പ്രസിഡൻ്റ് ലിജി രതീഷ് അധ്യക്ഷത വഹിച്ചു.
ഫ്ലവേഴ്സ് ടോപ്പ് സിംഗർ മത്സരത്തിൽ സെക്കന്റ് റണ്ണറപ്പായി വിജയിച്ച സെബാമൂണും, വിയറ്റ്നാമിൽ നടന്ന ജൂനിയർ മോഡൽ 2025ലെ വിജയിയായ കെ.എ. ലക്ഷ്മിയും വിശിഷ്ടാതിഥികളായി പങ്കെടുത്തു.
ചടങ്ങിൽ വാർഡിലെ എസ്.എസ്.എൽ.സി., പ്ലസ് ടു പരീക്ഷയിൽ മുഴുവൻ എ പ്ലസ് നേടിയ വിദ്യാർഥികളെയും, കർഷക അവാർഡ് നേടിയവരെയും, എൽ.എസ്.എസ്. പരീക്ഷയിൽ വിജയം നേടിയവരെയും അനുമോദിച്ചു.
സംഘാടക സമിതി ചെയർമാനും വാർഡ് മെമ്പറുമായ ടി.വി. വിബിൻ സ്വാഗതവും, കൺവീനർ ശോഭന സുബ്രഹ്മണ്യൻ നന്ദിയും പറഞ്ഞു.
രാവിലെ മുതൽ ആരംഭിച്ച ആഘോഷപരിപാടിയിൽ പൂക്കള മത്സരം, സദ്യ, ഘോഷയാത്ര, വാർഡ് നിവാസികളുടെ കായിക മത്സരങ്ങൾ, കലാപരിപാടികൾ തുടങ്ങിയവ അരങ്ങേറി.
തുടർച്ചയായ മൂന്നാം വർഷമാണ് നാട്ടുത്സവം സംഘടിപ്പിക്കുന്നത്.
Leave a Reply