ഇരിങ്ങാലക്കുട : സിനിമാ നടൻ ഇടവേള ബാബുവിൻ്റെ സ്ഥാപനമായ ഇ.ബി. സിഗ്നേച്ചർ ഏപ്രിൽ 11ന് വൈകീട്ട് ഇരിങ്ങാലക്കുട ക്രൈസ്റ്റ് കോളെജ് ഗ്രൗണ്ടിൽ അവതരിപ്പിക്കുന്ന നന്ദഗോവിന്ദം ഭജൻസ് ലൈവിന്റെ സ്വാഗതസംഘം ഓഫീസ് ഇരിങ്ങാലക്കുട മുൻസിപ്പൽ ഓഫീസ് റോഡിൽ സ്മാർട്ട് ഡ്രൈ ക്ലീനേഴ്സിന്റെ എതിർവശത്ത് ആരംഭിച്ചു.
ഓഫീസിന്റെ ഉദ്ഘാടനം ഉന്നത വിദ്യാഭ്യാസ സാമൂഹ്യനീതി വകുപ്പ് മന്ത്രി ഡോ. ആർ. ബിന്ദു നിർവ്വഹിച്ചു.
നഗരസഭ ചെയർമാൻ എം.പി. ജാക്സൺ അധ്യക്ഷത വഹിച്ചു.
ഇ.ബി. സിഗ്നേച്ചർ ലോഗോ പ്രകാശനം മുൻ ഗവ. ചീഫ് വിപ്പ് അഡ്വ. തോമസ് ഉണ്ണിയാടൻ നിർവ്വഹിച്ചു.
നന്ദഗോവിന്ദം ഭജൻസ് ലൈവിന്റെ ടിക്കറ്റ് വിതരണോദ്ഘാടനം ഐ.സി.എൽ. ഫിൻകോർപ്പ് സിഎംഡി അഡ്വ. കെ.ജി. അനിൽകുമാർ നിർവ്വഹിച്ചു.
പ്രചരണ വാഹനത്തിൻ്റെ ഫ്ലാഗ് ഓഫ് മന്ത്രി ഡോ. ആർ. ബിന്ദു നിർവ്വഹിച്ചു.
പ്രോഗ്രാം ഡയറക്ടർ ഇടവേള ബാബു സ്വാഗതവും, എഫ്.ഐ. ഇവൻ്റ്സ് സിഇഒ ഇസ മുല്ലാലി നന്ദിയും പറഞ്ഞു.
Leave a Reply