ഇരിങ്ങാലക്കുട : ദാരിദ്ര്യ ലഘൂകരണത്തിനും കാർഷിക പാർപ്പിട മേഖലകള്ക്കും മുന്തൂക്കം നല്കിയ ഇരിങ്ങാലക്കുട ബ്ലോക്ക് പഞ്ചായത്തിൻ്റെ 2026- 27 വാർഷിക ബഡ്ജറ്റ് വൈസ് പ്രസിഡൻ്റ് നിമിഷ ശ്രീനിവാസന് അവതരിപ്പിച്ചു.
31,52,43,757 രൂപ പ്രതീക്ഷിത വരവും, 29,92,18,000 രൂപ പ്രതീക്ഷിത ചെലവും, 1,60,25,757 രൂപ മിച്ചവും പ്രതീക്ഷിക്കുന്ന ബഡ്ജറ്റാണ് അവതരിപ്പിച്ചത്.
ബ്ലോക്ക് പഞ്ചായത്ത് പ്രസിഡൻ്റ് ടി.ജി. ശങ്കരനാരായണൻ അധ്യക്ഷത വഹിച്ചു.
കാട്ടൂർ, കാറളം, മുരിയാട്, പറപ്പൂക്കര പഞ്ചായത്തുകളാണ് ഇരിങ്ങാലക്കുട ബ്ലോക്ക് പഞ്ചായത്തില് ഉള്പ്പെടുന്നത്.
ദാരിദ്ര്യ ലഘൂകരണത്തിന് 10,00,00,000 രൂപ,
കാർഷിക മേഖലയ്ക്ക് 8,97,65,400 രൂപ,
പാർപ്പിടമേഖലയ്ക്ക് 100,00,000 രൂപ, വനിതാ വികസന പദ്ധതികള്ക്കായി 1,49,59,180 രൂപ, വൃദ്ധർ, കുട്ടികള്, ഭിന്നശേഷിയുളളവർക്കായി 2,21,84,590 രൂപ,
പാലിയേറ്റീവ് പരിചരണത്തിന് 25,00,000
പശ്ചാത്തലമേഖലയ്ക്ക് 59808830 രൂപ എന്നിങ്ങനെ അനുവദിച്ചിട്ടുണ്ട്.
കാട്ടൂർ പഞ്ചായത്ത് പ്രസിഡന്റ് പി.എസ്. മനു, കാറളം പഞ്ചായത്ത് പ്രസിഡന്റ് കെ.കെ. ശിവൻകുട്ടി, മുരിയാട് പഞ്ചായത്ത് പ്രസിഡന്റ് സരള വിക്രമൻ, ഇരിങ്ങാലക്കുട ബ്ലോക്ക് പഞ്ചായത്ത് വികസന സ്റ്റാന്റിംഗ് കമ്മിറ്റി ചെയർപേഴ്സൺ എൻ.ബി. പവിത്രൻ, ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ പി.ഡി. നെൽസൺ, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ വൃന്ദ അജിത്കുമാർ, ബ്ലോക്ക് പഞ്ചായത്ത് മെമ്പർമാരായ അംബുജ രാജൻ, പ്രസീന സജയൻ, സുരേഷ് ബാബു, കെ. രാജേഷ്, കെ.യു. വിജയൻ, മണി സജയൻ, ബിന്ദു വർക്കി കാരാത്രക്കാരൻ, അജയൻ തറയിൽ, രജനി നന്ദകുമാർ, നിർവ്വഹണ ഉദ്യോഗസ്ഥർ എന്നിവർ ബഡ്ജറ്റ് അംഗീകരിച്ചു സംസാരിച്ചു.
ജോയിന്റ് ബിഡിഒ എൻ. രാജേഷ്, ഹെഡ് അക്കൗണ്ടന്റ് സി.എസ്. സീജ എന്നിവർ ആശംസകൾ നേർന്നു.
ബ്ലോക്ക് പഞ്ചായത്ത് സെക്രട്ടറി കെ.കെ. നിഖിൽ നന്ദി പറഞ്ഞു.
Leave a Reply