ഇരിങ്ങാലക്കുട : നെതർലാൻഡ്സിൽ ഭൗതികശാസ്ത്രജ്ഞയും പേറ്റന്റ് അറ്റോണിയുമായ കരൂപ്പടന്ന സ്വദേശി ഡോ. ഷാഹിന മുംതാസ് (ലാലി- 44) അന്തരിച്ചു.
സാമൂഹിക മാധ്യമ ഇടപെടലുകളിലൂടെ ശ്രദ്ധേയയായ ഡോ. ഷാഹിന സംസ്ഥാന സർക്കാർ നടത്തിയ ലോക കേരള സഭയിൽ നെതർലാൻഡ്സിൽ നിന്നുള്ള അംഗമായിരുന്നു.
കരളിലെ അണുബാധയെ തുടർന്ന് ചികിത്സയിലായിരുന്നു. കരൂപ്പടന്ന പള്ളി സ്റ്റോപ്പിലെ പടിഞ്ഞാറുവശം അധ്യാപക ദമ്പതിമാരായ പരേതനായ ചക്കാലക്കൽ അബ്ദുല്ലയുടെയും നഫീസയുടെയും മകളാണ്.
ഇലക്ട്രിക്കൽ എൻജിനീയറിങ്ങിൽ ഡോക്ടറേറ്റ് നേടിയ ഷാഹിന ബൗദ്ധിക സ്വത്തവകാശ മേഖലയിലെ അറിയപ്പെടുന്ന പ്രൊഫഷണൽ ആയിരുന്നു.
രണ്ടുമാസം മുമ്പ് നാട്ടിലെത്തിയ ഷാഹിന പല പൊതുപരിപാടികളിലും പങ്കെടുത്തിരുന്നു. കരൂപ്പടന്ന ഗ്രാമീണ വായനശാല ഭരണസമിതി അംഗമായും പ്രവർത്തിച്ചിട്ടുണ്ട്.
ഖബറടക്കം നടത്തി.
ഭർത്താവ് : മുസ്തഫ (ബിസിനസ്സ്, ലെതർലാൻഡ്)
മക്കൾ : അമേയ, ആദി
സഹോദരി : ഷമ്മി സിറാജ് (സിവിൽ സപ്ലൈസ്)
Leave a Reply