ഇരിങ്ങാലക്കുട : ഉന്നത വിദ്യാഭ്യാസ രംഗത്തെ സമഗ്ര സംഭാവനകൾക്കായി ബാങ്കോക്കിലെ ഷിനവാത്ര ഇൻ്റർനാഷണൽ യൂണിവേഴ്സിറ്റി ഏർപ്പെടുത്തിയ ലെഗസി ഓഫ് എക്സലൻസ് ഇൻ ഹൈയർ എഡ്യുക്കേഷൻ അവാർഡിന് ഇന്ത്യയിൽ നിന്നും ഇരിങ്ങാലക്കുട ക്രൈസ്റ്റ് കോളെജ് വൈസ് പ്രിൻസിപ്പലും ഡീനുമായ ഡോ. കെ.ജെ. വർഗ്ഗീസ് അർഹനായി.
ഉന്നത വിദ്യാഭ്യാസ രംഗത്തെയും ഗവേഷണ രംഗത്തെയും അന്താരാഷ്ട്ര സഹകരണത്തിനും ഉന്നത വിദ്യാഭ്യാസരംഗത്തിനു വ്യക്തിഗതമായി നൽകിയിട്ടുള്ള സംഭാവനകളെയും മാനിച്ചാണ് അവാർഡ് നൽകുന്നത്.
ഇന്തോനേഷ്യയിലെ നാലു യൂണിവേഴ്സിറ്റികളിൽ വിസിറ്റിംഗ് പ്രൊഫസറും ഇന്ത്യയിലെ വിവിധ യൂണിവേഴ്സിറ്റികളിൽ അധ്യാപക പരിശീലന കേന്ദ്രങ്ങളിൽ വിസിറ്റിംഗ് ഫാക്കൽറ്റിയുമാണ് ഡോ. കെ.ജെ. വർഗ്ഗീസ്.
അന്താരാഷ്ട്ര ജേണലുകളിൽ പ്രബന്ധങ്ങൾ പ്രസിദ്ധീകരിച്ചിട്ടുള്ള ഡോ. വർഗീസിന് നിർമ്മിതബുദ്ധിയിൽ പ്രവർത്തിക്കുന്ന ഡിജിറ്റൽ ലാംഗ്വേജ് ലാബോറട്ടറി രൂപകല്പനയിൽ പേറ്റൻ്റ് ഉണ്ട്.
അനേകം ദേശീയവും അന്തർദേശീയവുമായ ഔദ്യോഗിക ഉന്നത വിദ്യാഭ്യാസ സംഘടനകളിൽ അംഗവും നൂറിലധികം ഇംഗ്ലീഷ് ഭാഷാ കോൺഫറൻസുകളിൽ മുഖപ്രഭാഷകനും ആയിട്ടുണ്ട്.
ആറോളം ഗ്രന്ഥങ്ങളുടെ എഡിറ്ററും ലാഗ്വേജ് ലാബോറട്ടറി കൾസട്ടൻ്റുമാണ്.
തൻ്റെ മുപ്പത് വർഷത്തെ അധ്യാപന കാലഘട്ടത്തിൽ അധ്യാപകർക്കും വിദ്യാർഥികൾക്കും വേണ്ടി അനേകം അന്താരാഷ്ട്ര കോൺഫറൻസുകളും ശില്പശാലകളും നടത്തിയിട്ടുണ്ട്.
ബാങ്കോക്ക് ഷിനവാത്ര യൂണിവേഴ്സിറ്റിയിൽ നടന്ന അന്താരാഷ്ട്ര കോൺഫറൻസിൽ വച്ച് അവാർഡ് ഏറ്റുവാങ്ങി.
Leave a Reply