ഇരിങ്ങാലക്കുട : നിയോജകമണ്ഡലം പരിധിയിൽ വരുന്ന ഇരിങ്ങാലക്കുട, പൊറത്തിശ്ശേരി, മുരിയാട്, കാട്ടൂർ, കാറളം, വേളൂക്കര, പൂമംഗലം, പടിയൂർ, ആളൂർ കൃഷിഭവനുകളിൽ കൂൺഗ്രാമം പദ്ധതി പ്രകാരം കൂൺകൃഷി അനുബന്ധ പ്രവർത്തനങ്ങൾ നടത്താൻ താല്പര്യമുള്ള കർഷകരിൽ നിന്നും അപേക്ഷ ക്ഷണിക്കുന്നു.
ചെറുകിട കൂൺ കൃഷി യൂണിറ്റ് 80 മുതൽ 100 ബെഡുകൾ ചെയ്യുന്നവർക്ക് ചിലവായ ആകെ തുകയുടെ 40 ശതമാനം പരമാവധി സബ്സിഡി 11,250 രൂപയാണ്.
വൻകിട കൂൺ കൃഷി ആകെ ചിലവായ തുകയുടെ 40 ശതമാനം പരമാവധി സബ്സിഡി രണ്ട് ലക്ഷം രൂപയും; 300 ബെഡുകൾ ചെയ്യണം.
ചെറുകിട കൂൺ വിത്ത് ഉല്പാദന നിർമ്മാണ യൂണിറ്റിന് ചിലവായ ആകെ തുകയുടെ 40 ശതമാനം പരമാവധി സബ്സിഡി ആണ് രണ്ട് ലക്ഷം.
മണ്ണിര കമ്പോസ്റ്റ് യൂണിറ്റ്, പാക്ക് ഹൗസ് നിർമ്മാണം,
കൂൺ പ്രിസർവേഷൻ യൂണിറ്റ് നിർമ്മാണം എന്നീ പദ്ധതികളും നിലവിലുണ്ട്. കൂൺ കൃഷി ചെയ്യുവാൻ ആഗ്രഹിക്കുന്ന
കർഷകർക്ക് കൂൺകൃഷിയിൽ സൗജന്യ പരിശീലനം പദ്ധതിയുടെ ഭാഗമായി നൽകുന്നതാണ് എന്നും ഇരിങ്ങാലക്കുട വെള്ളാങ്ങല്ലൂർ കൃഷി അസിസ്റ്റൻ്റ് ഡയറക്ടർമാർ അറിയിച്ചു.
അപേക്ഷ സമർപ്പിക്കേണ്ട അവസാന തിയ്യതി ഒക്ടോബർ 4.
വിശദ വിവരങ്ങൾക്ക് മേൽ പറഞ്ഞ കൃഷിഭവനുകളുമായി ബന്ധപ്പെടുക.
Leave a Reply