ഇരിങ്ങാലക്കുട : കാറളം കുമരഞ്ചിറ ഭഗവതി ക്ഷേത്രത്തിൽ ദേവീ ഭാഗവത നവാഹയജ്ഞവും ഒക്ടോബർ 2 വരെ നീണ്ടുനിൽക്കുന്ന നവരാത്രി ആഘോഷവും ആരംഭിച്ചു.
ദേവിയുടെ മാഹാത്മ്യവും ചരിത്രവും വർണിക്കുന്ന നവാഹയജ്ഞത്തിന് യജ്ഞാചാര്യൻ അവണൂർ ദേവൻ നമ്പൂതിരിയാണ് നേതൃത്വം നൽകുന്നത്.
ക്ഷേത്രത്തിലെ സരസ്വതി മണ്ഡപത്തിൽ പുസ്തക പൂജയ്ക്കും വിജയദശമി ദിനത്തിൽ കുട്ടികളെ എഴുത്തിനിരുത്തുന്നതിനും അവസരമൊരുക്കും.
സെപ്തംബർ 21ന് കുമാരി പൂജയും 23ന് സർവൈശ്യര്യ പൂജയും നടന്നു. നൂറുകണക്കിന് സ്ത്രീകളും കുട്ടികളും പൂജയിൽ പങ്കാളികളായി.
പരിപാടികൾക്ക് ക്ഷേത്രം ട്രസ്റ്റി ചിറ്റൂർ ഹരി നമ്പൂതിരിപ്പാട്, ക്ഷേത്ര ക്ഷേമസമിതി പ്രസിഡൻ്റ് അഖിൽ ചേനങ്ങത്ത്, സെക്രട്ടറി സുബ്രഹ്മണ്യൻ കൈതവളപ്പിൽ, ട്രഷറർ അഡ്വ. പത്മിനി സുധീഷ്, വെളിച്ചപ്പാട് കൃഷ്ണൻ ചരലിയിൽ, ക്ഷേത്രം മേൽശാന്തി സതീശൻ തിരുമേനി എന്നിവർ നേതൃത്വം നൽകി.
Leave a Reply