ഇരിങ്ങാലക്കുട : കാരുമാത്ര ഗവ. യു.പി. സ്കൂളിൽ പുതിയ കെട്ടിടത്തിന്റെ ശിലാസ്ഥാപനവും ശതാബ്ദി ആഘോഷങ്ങളുടെ സമാപനവും അഡ്വ. വി.ആർ. സുനിൽകുമാർ എംഎൽഎ ഉദ്ഘാടനം ചെയ്തു.
കിഫ്ബിയിൽ നിന്നുമുള്ള 1.30 കോടി രൂപ ഉപയോഗപ്പെടുത്തിയാണ് കെട്ടിടം നിർമിക്കുന്നത്.
വെള്ളാങ്ങല്ലൂർ പഞ്ചായത്ത് പ്രസിഡൻ്റ് നിഷ ഷാജി അധ്യക്ഷത വഹിച്ചു.
കാലിക്കറ്റ് സർവകലാശാലയിൽ നിന്ന് ചരിത്രത്തിൽ പി.എച്ച്.ഡി. നേടിയ സ്വപ്ന ഗിരീഷിനെയും ശതാബ്ദി ലോഗോ നിർമിച്ച സംഗീത അഖിലിനെയും ജില്ലാ പഞ്ചായത്ത് മെമ്പർ പി.കെ. ഡേവിസ് മാസ്റ്റർ അനുമോദിച്ചു.
മുൻ പഞ്ചായത്ത് പ്രസിഡൻ്റ് എം.എം. മുകേഷ്, വാർഡ് മെമ്പർ നസീമ നാസർ, സംഘാടക സമിതി ചെയർമാൻ കെ.എൻ. ഉണ്ണികൃഷ്ണൻ, എസ്.എം.സി. ചെയർമാൻ സി.എ. നിഷാദ്, പി.ടി.എ. പ്രസിഡന്റ് സബീല ഫൈസൽ, എം.പി.ടി.എ. പ്രസിഡന്റ് മാരിയ നിഷാദ്, തങ്കമണി ടീച്ചർ, ഒ.എസ്.എ. പ്രതിനിധി സി.കെ. സുന്ദരൻ എന്നിവർ പ്രസംഗിച്ചു.
വാർഡ് മെമ്പർ ടി.കെ. ഷറഫുദ്ദീൻ സ്വാഗതവും ഹെഡ്മിസ്ട്രസ്സ് പി. സുമ നന്ദിയും പറഞ്ഞു.
തുടർന്ന് വിവിധ കലാപരിപാടികൾ അരങ്ങേറി.
ശതാബ്ദിയാഘോഷ സ്മരണിക ഉടൻ പുറത്തിറക്കുമെന്ന് സംഘാടക സമിതി അറിയിച്ചു.
Leave a Reply