ഇരിങ്ങാലക്കുട : മുകുന്ദപുരം താലൂക്ക് യൂണിയൻ്റെ ആഭിമുഖ്യത്തിൽ സംഘടിപ്പിക്കുന്ന സംയുക്ത മേഖലാ നേതൃയോഗങ്ങൾക്ക് ഇരിങ്ങാലക്കുടയിൽ തുടക്കമായി.
ശ്രീ സംഗമേശ്വര എൻ.എസ്.എസ്. ഹാളിൽ ചേർന്ന യോഗം കൊടുങ്ങല്ലൂർ താലൂക്ക് യൂണിയൻ പ്രസിഡൻ്റ് സി. രാജശേഖരൻ ഉദ്ഘാടനം ചെയ്തു.
കരയോഗ പ്രവർത്തനങ്ങളുടെ വ്യത്യസ്ഥ മേഖലകളെക്കുറിച്ചുള്ള ആദ്യ ക്ലാസ് അദ്ദേഹം നയിച്ചു.
മുകുന്ദപുരം താലൂക്ക് യൂണിയൻ ചെയർമാൻ അഡ്വ. ഡി. ശങ്കരൻകുട്ടി അധ്യക്ഷത വഹിച്ചു.
യൂണിയൻ ഭരണസമിതി അംഗങ്ങളായ സി. വിജയൻ, രവി കണ്ണൂർ, എ.ജി. മണികണ്ഠൻ, കെ. രാജഗോപാലൻ തുടങ്ങിയവർ വിവിധ വിഷയങ്ങൾ അവതരിപ്പിച്ചു.
താലൂക്ക് യൂണിയൻ സെക്രട്ടറി എസ്. കൃഷ്ണകുമാർ സ്വാഗതവും അഡീഷണൽ ഇൻസ്പെക്ടർ ബി. രതീഷ് നന്ദിയും പറഞ്ഞു.
ഇരിങ്ങാലക്കുട, കരുവന്നൂർ, വെള്ളാങ്ങല്ലൂർ, അഷ്ടമിച്ചിറ – പുത്തൻചിറ മേഖലകളിലെ കരയോഗം പ്രസിഡൻ്റുമാർ, വൈസ് പ്രസിഡൻ്റ്, സെക്രട്ടറി, ജോയിന്റ് സെക്രട്ടറി, ഖജാൻജി, യൂണിയൻ പ്രതിനിധികൾ, ഇലക്ട്രറൽ റോൾ മെമ്പർ, വനിതാ സമാജം പ്രസിഡൻ്റ്, സെക്രട്ടറി തുടങ്ങിയവർ യോഗത്തിൽ പങ്കെടുത്തു.
Leave a Reply