ഇരിങ്ങാലക്കുട : മാലിന്യ നിര്മാര്ജനത്തിനായി ഇരിങ്ങാലക്കുട നഗരസഭ പല വാർഡുകളിലായി സ്ഥാപിച്ചിട്ടുള്ള മിനി എംസിഎഫ് കേന്ദ്രങ്ങൾ കാടു കയറുന്നു.
വള്ളിച്ചെടികൾ വളര്ന്ന് കാടുമൂടിയ നിലയിലാണ് ലക്ഷങ്ങള് മുടക്കി പാതയോരങ്ങളില് സ്ഥാപിച്ച എംസിഎഫുകളില് പലതും.
ഇരിങ്ങാലക്കുട നഗരസഭയില് ചേലൂര് ജംഗ്ഷനു സമീപമുള്ള എംസിഎഫും കാടുകയറി കിടക്കുകയാണ്.
വീടുകളിലെയും സ്ഥാപനങ്ങളിലെയും അജൈവമാലിന്യം ഹരിതകര്മസേന ശേഖരിച്ച് ഇതുപോലുള്ള മിനി എംസിഎഫുകളില് സൂക്ഷിക്കുകയും പിന്നീട് സംസ്കരിക്കാനും തരം തിരിക്കാനുമൊക്കെയായി മാലിന്യ സംസ്കരണ പ്ലാന്റിലേക്ക് കൊണ്ടുപോവുകയുമാണ് ചെയ്തിരുന്നത്.
എന്നാൽ മാസങ്ങളായി മിനി എംസിഎഫുകള് പരിചരിക്കപ്പെടാത്തതിനാല് ഇതിന്റെ പരിസരത്തും പാതയോരങ്ങളിലും മാലിന്യം കുമിഞ്ഞു കൂടുകയാണ്. ഇതില് ഭക്ഷണാവശിഷ്ടങ്ങള്, കുട്ടികളുടെ ഉപയോഗിച്ച ഡയപ്പറുകള് തുടങ്ങിയവയാണ് കൂടുതലും. ഇതുമൂലം പരിസരത്ത് രൂക്ഷമായ ദുർഗന്ധം സംഭവിക്കുന്നതും സാധാരണയായിരിക്കുന്നു.
കൂടാതെ ചുറ്റും നായ്ക്കളുടെ ശല്യവും ഇഴജന്തുകളുടെ ശല്യവും വ്യാപകമായുണ്ട്.
വിഷയത്തിൽ നഗരസഭാ അധികൃതര് എത്രയും വേഗം നടപടി സ്വീകരിക്കണമെന്നാണ് നാട്ടുകാരുടെ ആവശ്യം.
Leave a Reply