ഇരിങ്ങാലക്കുട : എടതിരിഞ്ഞി വില്ലേജിലെ ഭൂമിയുടെ ഫെയർ വാല്യൂ റവന്യൂ വകുപ്പ് മന്ത്രിയുടെ നിർദ്ദേശപ്രകാരം പുനർനിർണയിക്കുന്നതിന് തൃശൂർ ജില്ലാ കളക്ടർ ഉത്തരവിട്ടതിന്റെ ഔദ്യോഗിക ജോലികൾ അന്തിമഘട്ടത്തിലേക്ക് കടന്നു.
കരട് വിജ്ഞാപനം പ്രസിദ്ധീകരിക്കുന്നതിന്റെ മുന്നോടിയായി സർക്കാർ ഉത്തരവ് പ്രകാരം 5% മേൽപരിശോധന നടത്തേണ്ടതിൻ്റെ ഭാഗമായി താലൂക്ക് തല ടീം എടതിരിഞ്ഞി വില്ലേജിൽ വെള്ളിയാഴ്ച സ്ഥലപരിശോധന നടത്തി.
മുകുന്ദപുരം താലൂക്ക് ഡെപ്യൂട്ടി തഹസിൽദാർമാരായ എ.വി. സജിത, ടി.കെ. പ്രമോദ്, ടി.വി. വേണുഗോപാൽ, കാട്ടൂർ സബ് രജിസ്ട്രാർ ഓഫീസർ എം.ആർ. സിജിൽ, എടതിരിഞ്ഞി വില്ലേജ് ഓഫീസർ പി.എസ്. സുജിത്ത്, വില്ലേജ് ഓഫീസർ സിജു ജോസഫ്, വില്ലേജ് അസിസ്റ്റൻ്റ് കെ.ജെ. വിൻസൺ, ക്ലർക്കുമാരായ വിദ്യ ചന്ദ്രൻ, സി. പ്രസീത, സാഗിയോ സിൽബി എന്നിവർ സ്ഥലപരിശോധനയിൽ പങ്കെടുത്തു.
Leave a Reply