ഇരിങ്ങാലക്കുട : വാക്കുകൾ കൊണ്ടും ശബ്ദം കൊണ്ടും മലയാളികളെ പിടിച്ചു നിർത്തിയ അതുല്യ പ്രതിഭകളായ എം ടി വാസുദേവൻ നായരെയും പി ജയചന്ദ്രനെയും അനുസ്മരിച്ച് ഇരിങ്ങാലക്കുട സെൻ്റ് ജോസഫ്സ് കോളെജ് മലയാള വിഭാഗം.
കാലഘട്ടങ്ങൾക്കനുസരിച്ച് ശബ്ദത്തിൽ നവീനത കൊണ്ടുവരികയും ഭാവത്താൽ മലയാളി മനസ്സിനെ കീഴടക്കുകയും ചെയ്ത ഗായകനാണ് പി ജയചന്ദ്രനെന്നും
മലയാള സാഹിത്യത്തിലും ചലച്ചിത്രലോകത്തും അവിസ്മരണീയ സാന്നിധ്യവും സംഭാവനകളുമാണ് എംടിയുടേതെന്നും കവിയും ഗാനരചയിതാവുമായ മധു ആലപ്പുഴ അഭിപ്രായപ്പെട്ടു.
മലയാള വിഭാഗം സംഘടിപ്പിച്ച അനുസ്മരണ പരിപാടിയിൽ പങ്കെടുത്ത് സംസാരിക്കുകയായിരുന്നു അദ്ദേഹം.
പ്രിൻസിപ്പൽ ഡോ സിസ്റ്റർ ബ്ലെസ്സി അധ്യക്ഷത വഹിച്ചു.
പരിപാടിയിൽ മലയാള വിഭാഗം അധ്യക്ഷ ഡോ കെ എ ജെൻസി സ്വാഗതവും മലയാളവിഭാഗം അധ്യാപിക ഡോ മീര മധു നന്ദിയും പറഞ്ഞു.
തുടർന്ന് ജയചന്ദ്രന് ഗാനാഞ്ജലി നേർന്നുകൊണ്ട് രണ്ടാം വർഷ കെമിസ്ട്രി വിദ്യാർഥിനി നിരഞ്ജനയും രണ്ടാം വർഷ മലയാള ബിരുദാനന്തരബിരുദ വിദ്യാർഥിനി അപർണ രാജും ഗാനങ്ങൾ ആലപിച്ചു.
എം ടിയുടെ കൃതികളെക്കുറിച്ച് ഒന്നാം വർഷ ബിരുദാനന്തര ബിരുദ വിദ്യാർഥിനികളായ കൃഷ്ണപ്രിയ, അരുണിമ എന്നിവർ പ്രസംഗിച്ചു.
ദേവഗിരി സെൻ്റ് ജോസഫ്സ് കോളെജ് മലയാളവിഭാഗം സംഘടിപ്പിച്ച ”ഋതം” സാഹിത്യഫെസ്റ്റിൽ തത്സമയ മാഗസിൻ നിർമ്മാണ മത്സരത്തിൽ രണ്ടാം സ്ഥാനം നേടിയ മലയാള ബിരുദാനന്തര ബിരുദ വിദ്യാർഥിനികളായ അപർണ രാജ്, വീണ, നിഖില, കൃഷ്ണേന്ദു, ശില്പ, സാന്ദ്ര, കൃഷ്ണപ്രിയ എന്നിവരെയും പുസ്തകനിരൂപണ മത്സരത്തിൽ മൂന്നാം സ്ഥാനം നേടിയ അരുണിമയെയും ചടങ്ങിൽ അഭിനന്ദിച്ചു.
Leave a Reply