ഇരിങ്ങാലക്കുട : ഉണ്ണായിവാര്യർ സ്മാരക കലാനിലയത്തിൽ സംഘടിപ്പിച്ച ഗുരുസ്മരണ ദിനം കലാനിലയം പ്രസിഡൻ്റ് എം. ശ്രീകുമാർ ഉദ്ഘാടനം ചെയ്തു.
വൈസ് പ്രസിഡൻ്റ് കെ.കെ. കൃഷ്ണൻ നമ്പൂതിരി അധ്യക്ഷത വഹിച്ചു.
കലാനിലയം എസ്. അപ്പുമാരാർ സ്മാരക സുവർണ്ണ മുദ്ര പുരസ്കാരം വേഷം വിദ്യാർത്ഥി കലാനിലയം സൂരജിന് മുൻ പ്രിൻസിപ്പാൾ കലാമണ്ഡലം ഹരിദാസ് സമർപ്പിച്ചു.
പള്ളിപ്പുറം ഗോപാലൻ നായർ ആശാൻ അവാർഡ് ജേതാവ് പരമേശ്വരൻ ആശാനെ അഡ്വ. സതീഷ് വിമലൻ ആദരിച്ചു.
മരുത്തോർവട്ടം ധന്വന്തരി ക്ഷേത്രം പ്രസിഡൻ്റ് ജി. സജികുമാറിനെ എം. ശ്രീകുമാർ ആദരിച്ചു.
കലാനിലയം ജോയിൻ്റ് സെക്രട്ടറി തങ്കപ്പൻ പാറയിൽ, ട്രഷറർ റോയ് ജോസ് പൊറത്തൂക്കാരൻ എന്നിവർ എൻഡോമെന്റ് വിതരണം നിർവഹിച്ചു.
സെക്രട്ടറി അഡ്വ. സതീഷ് വിമലൻ സ്വാഗതവും പ്രിൻസിപ്പൽ ഇൻചാർജ് കലാനിലയം പ്രശാന്ത് നന്ദിയും പറഞ്ഞു.
തുടർന്ന് ടി. വേണുഗോപാൽ, കലാനിലയം വാസുദേവ പണിക്കർ എന്നിവർ കഥകളി ഡെമോൺസ്ട്രേഷൻ അവതരിപ്പിച്ചു.
ശേഷം പൂതനാമോക്ഷം കഥകളി അരങ്ങേറി.
Leave a Reply